Xorazmda dzyudo bo‘yicha O‘zbekiston kubogi bahslari boshlandi
Bugun Xorazm viloyatining Urganch shahrida dzyudo bo‘yicha kattalar o‘rtasida O‘zbekiston kubogi bahslari boshlandi.
Muhtasham “Yoshlik” sport majmuasi mezbonlik qilayotgan musobaqada Qoraqalpog‘iston Respublikasi, barcha viloyatlar hamda Toshkent shahridan jami 557 (441 o‘g‘il bola, 116 qiz) nafar dzyudochi 14 ta vazn toifasida tatamiga chiqmoqda. Shuningdek, MHSK dzyudochilari ham alohida jamoa sifatida ishtirok etishyapti. Murosasiz kechayotgan bellashuvlarni 30 nafar tajribali hakamlar boshqarib borishmoqda.
Musobaqaning birinchi kunida o‘g‘il bolalar 60, 66 kg, qizlar esa 48, 52 va 57 kg vazn toifasida bellashadilar. Bugungi bahslarda esa jami 262 nafar, yaʼni 196 kg vaznda o‘g‘il bolalar, 66 kg vaznda qiz bolalar tatamiga chiqyapti. Kunning ikkinchi yarmi soat 17:00da medallar uchun final bellashuvlari boshlanadi.
Bundan avval dzyudochilarimiz Tokioga yo‘l olishgani, Tokio -2020 dzyudochilarimiz olimpidadagi ishtirokini yakunlashgani va Tokio - 2020 da dzyudochi Bekmurod Oltiboyev Rio olimpiadasi chempiontga yutqazib qo‘ygani haqida xabar berilgandi.
Cho‘lponoy Ahmedova
