“Muhammad Saloh — ayni damda APLning eng kuchli futbolchisi” — Rio Ferdinand
"Manchester Yunayted"ning sobiq himoyachisi Rio Ferdinand ingliz televideniyesiga Angliya premyer-ligasining 7-turiga bag‘ishlangan dasturida “Liverpul” — “Manchester Siti” o‘rtasidagi o‘yinga to‘xtalib, shunday dedi:
“Muhammad Saloh — ayni damda APLning eng kuchli o‘yinchisi. “Liverpul” futbolchisi haqida bunday gaplarni aytganda, ichimda nimadir yonadi. Uning goli menga FIFA simulyatoridagi harakatlarni eslatadi. Men ham shunday elementlarni bajarib turaman. Buni hatto o‘yin pulti orqali ham bajarish oson emas. Saloh gol urishdan to‘xtamayapti. Bundan tashqari u ko‘plab hammualliflik va uzatmalarni amalga oshiryapti. Shu bois, u jamoasi g‘alabalariga katta hissa qo‘shmoqda".
Maʼlumot uchun: misrlik futbolchi premyer-liga 7-turida bitta gol va hammualliflikni amalga oshirib, uchrashuvning eng yaxshi futbolchisi bo‘ldi.
Avvalroq “Vilyareal” Serj Ore bilan shartnoma imzolagani va “Yuventus” Sakani nishonga olgani haqida xabar berilgandi.
Jamshidbek Amirov
