O‘zbekiston Huquq ustuvorligi indeksida 14 pog‘onaga yuqoriladi
Qayd etilishicha, indeks tadqiqotlari 138 mingta uy xo‘jaligi va 4 mingdan ortiq huquqshunos va mutaxassislar o‘rtasida so‘rovlar o‘tkazgan holda amalga oshirilgan.
Joriy yilning 14-oktabr kuni Jahon odil sudlov loyihasi tashkiloti tomonidan eʼlon qilingan huquq ustuvorligi indeksining 2021 yilgi nashrida O‘zbekiston 14 pog‘ona yuqoriladi va umumiy reytingda 85-o‘rinni egalladi.
Maʼlum bo‘lishicha, nashrda O‘zbekiston uchun berilgan baholar 4,1 foizga ko‘tarilgan. U eng yaxshi natija ko‘rsatgan 3 ta davlatdan biriga aylandi.
Maʼlumot o‘rnida, tadqiqotlarda 139 ta mamlakatdagi huquq ustuvorligi darajasi baholangan.
Shuningdek, nashr sahifalarida Kongo Respublikasi, Gaiti, Irlandiya, Latviya, Litva, Lyuksemburg, Malta, Paragvay, Slovakiya Respublikasi va Sudan kabi yangi mamlakatlar qo‘shilgan.
Maʼlumot uchun, tadqiqotlarda 139 ta mamlakatdagi huquq ustuvorligi darajasi baholangan. Ushbu indeks jahon miqyosida faqatgina huquq ustuvorligining ahvolini baholashga ixtisoslashgan yagona xalqaro reyting hisoblanadi.
Avvalroq O‘zbekiston pasporti dunyo mamlakatlari pasportlari reytingida 91 o‘rinni egallagani va O‘zbekiston armiyasi jahon reytingida 140 ta davlat orasida 51 – o‘rinda turishi haqida xabar berilgan edi.
Cho‘lponoy Ahmedova
