Futbol bo‘yicha U-23 Osiyo kubogi saralash o‘yinlari Toshkentda o‘tkaziladi
U-23 Osiyo kubogi saralash bosqichining “D” guruhidan o‘rin olgan o‘yinlar O‘zbekiston maydonlarida bo‘lib o‘tadi.
Ayrim sabablarga ko‘ra, Quvayt mazkur bosqich uchrashuvlariga mezbonlik qila olmasligi maʼlum bo‘ldi. Shu sababli OFK saralash o‘yinlari mamlakatimizda o‘tkazilishini tasdiqladi.
Maʼlumot o‘rnida: “D” guruhidan O‘zbekiston, Saudiya Arabistoni, Bangladesh va Kuvayt terma jamoalari joy olgan. Uchrashuvlar joriy yilning 27-oktabridan 2-noyabriga qadar o‘tkazilishi rejalashtirilgan.
Musobaqaning final bosqichi ham yurtimizda bo‘lib o‘tadi. Shu sababli vakillarimizning saralash bahslaridagi ishtiroki tayyorgarlik vazifasini o‘taydi.
Jamshidbek Amirov
