Rossiyada 5 nafar ayol jinsiy qullikdan ozod etildi. Ular orasida bir nafar o‘zbekistonlik ham bo‘lgan
Moskva viloyatida politsiya va ko‘ngilli qutqaruvchilar 5 nafar muhojir ayolni jinsiy qullikdan ozod qildi.
Maʼlumotlariga ko‘ra, ayollardan biri O‘zbekiston fuqarosi. U bu yerga ishlash uchun kelgan. Vaqtincha ijarada turgan uy egasi va ish beruvchi uning shaxsiy hujjatlarini yirtib tashlgani va unga erkaklar bilan jinsiy aloqa xizmatini ko‘rsatish kerakligini aytadi.
Shuningdek, ayol boshqa tutqunlikdagi ayollar bilan birga Moskva viloyatidagi yopiq “Sunflower” kafesiga joylashtiriladi. Bir qancha vaqtdan so‘ng nazorat susayganidan foydalangan ayol qochishga muvaffaq bo‘lgan. U vokzalga borib, oilasiga qo‘ng‘iroq qiladi.
Hozirda holat yuzasidan tekshiruv o‘tkazilmoqda. Gumonlanuvchilar hibsga olingan.
Eslatib o‘tamiz, bundan avval Rossiyada 33 yoshli ayolni bo‘g‘ib o‘ldirgan o‘zbekistonlik erkak qo‘lga olingandi va o‘zbekistonlik 13 yoshli qizning jasadi topilgani haqida xabar berilgandi. Shuningdek, Shvetsiyada vafot etgan fuqaroning jasadi O‘zbekistonga olib kelingandi.
Cho‘lponoy Ahmedova
