Antonio Ryudiger “Chelsi”da qolish niyatida, ammo tomonlar kelishuvga erisha olmayapti
“Chelsi” himoyachisi Antonio Ryudiger London klubida o‘ynashni davom ettirmoqchi, ammo tomonlar shartnomani uzaytirish borasida kelisha olmayapti.
Xabarlarga ko‘ra, Ryudigerning niyati shartnomani qayta imzolash va faoliyatini “Chelsi”da davom ettirish. Ammo bundan oldin “Chelsi” va futbolchi o‘rtasida maosh borasida kelishmovchiliklar borligi maʼlum bo‘ldi. “Chelsi” bosh murabbiyi Tomas Tuxel o‘z vatandoshiga ishonishini aytdi. U klub rahbarlariga futbolchini saqlab qolish istagi haqida xabar bergan.
Eslatib o‘tamiz, Ryudiger 2017 yildan beri “Chelsi”ni himoya qilib keladi va bungacha “Roma” va “Shtutgart” klublarida o‘ynagan.
Avvalroq investitsiya fondlari “Barselona”ga Holandni sotib olishga yordam bermoqchiligi va Markus Reshford Manchester universiteti tarixidagi eng yosh faxriy doktorga aylangani haqida xabar berilgandi.
Jamshidbek Amirov
