Yoshlarimiz saralashni durang bilan boshladi
O‘yin “Paxtakor” markaziy stadionida bo‘lib o‘tdi.
Bugun “Paxtakor” markaziy stadionida U-23 Osiyo Kubogi saralashidan o‘rin olgan bahslarga start berildi. Mazkur bahslarning dastlabki uchrashuvi O‘zbekiston va Saudiya Arabistoni terma jamoalari ishtirokida bo‘lib o‘tdi. Murosasiz kechgan to‘qnashuv durang natija bilan yakunlandi.
O‘yinning 40-daqiqasida Hamid Abdulloh arablarni hisobda oldinga olib chiqqan bo‘lsa, biroz vaqt o‘tib termamiz safida Otabek Jo‘raqo‘ziyev hisobni tenglashtirishga muvaffaq bo‘ldi. Shu tariqa jamoalar tanaffusga durang natija bilan yo‘l oldi. Ikkinchi taymning dastlabki daqiqasida esa saudiyaliklar birinchi hujumdayoq termamiz darvozasiga to‘p kiritdi va hisobda yana oldinga chiqib oldi. Uchrashuvning 79-daqiqasiga kelib jamoamiz sardori Jasur Jaloliddinov penaltidan unumli foydalanib hisobni tenglashtirdi.
Eslatib o‘tamiz, mazkur saralash o‘yinlarining ikkinchi bahsi Bangladesh va Quvayt termalari ishtirokida bo‘lib o‘tadi.
Jamshid Amirov
