“Al-Sadd” “Barselona”ga Xavi masalasida shart qo‘ydi
Qatarning “Al-Sadd” klubi bosh murabbiy Xavi borasida “Barselona” bilan muzokaralarda yon bosishdan bosh tortdi.
Bundan avval u “ko‘k-anorranglilar”ga o‘tishi uchun 1 million yevro miqdorida jarima to‘lashi maʼlum bo‘lgan edi.
Bundan tashqari, Qatar klubi rasmiy taklifni shaxsan “Barselona” klubi prezidenti Joan Laporta bildirishini talab qildi. Xabarlarga ko‘ra, bu norozilik Laportaning Dohaga borishdan bosh tortgani bilan bog‘liq.
Eslatib o‘tamiz, Xavi va “Al-Sadd” o‘rtasidagi amaldagi kelishuv 2023-yilgacha mo‘ljallangan. Shu bilan birga, ispaniyalikning Qatar klubi rahbariyati bilan kelishuvi borligi, unga ko‘ra top-klublardan biri taklif qilsa, uni qo‘yib yuborishi aytilgandi.
Avvalroq “Barselona” klubi prezidenti Qatarga bormasligi haqida xabar berilgan.
Jamshidbek Amirov
