Toshkent viloyatida zamonaviy “Astrum” IT akademiyasi filiali o‘z faoliyatini boshladi
Bu maskanda o‘qiydigan 100 nafar yoshlarning har biriga 15 million so‘mgacha grant berilishi rejalashtirilgan.
Dunyo mamlakatlarida IT sohasi jadal rivojlanayotganini ko‘rish mumkin. Mamlakatimizda tashkil etilgan IT parklarda yoshlar o‘z ilmiy-tadqiqotlarini olib borib, yangi loyihalar tayyorlab, davlat va jamiyat taraqqiyotiga o‘z hissasini qo‘shishga intilmoqda.
Yoshlar ishlari agentligi raisi Alisher Saʼdullayev shunday dedi:
— Bu akademiya 42-maktab g‘oyasi ruhida tashkil topgan. Uning faoliyat boshlashi meni xursand qildi. Bizga juda ko‘p qtidorli, lekin moliyaviy imkoniyati yo‘q yoshlar ana shunday akademiyalarda o‘qish uchun murojaat qildi. Biz jamoamiz va “Astrum” IT akademiyasi bilan kelishgan holda ularga grant ajratib, imkon berishga qaror qildik. Ushbu tashabbusni “Mikrokreditbank” va “Yoshlar-kelajagimiz” jamg‘armasi ham qo‘llab-quvvatladi”.
Maʼlumot uchun: mazkur imkoniyatdan foydalanish uchun @yoshlargrant_bot Telegram boti orqali ro‘yxatdan o‘tish lozim. Ro‘yxatdan o‘tish 14-noyabr kuni yakunlanadi.
Bundan avval Sunʼiy intellektni rivojlantirish ilmiy-tadqiqot instituti tashkil etilishi haqida xabar berilgandi.
Cho‘lponoy Ahmedova
