Ronaldu Manchesterdan ketmoqchi
U “qizil iblislar”ning hozirgi ambitsiyalaridan norozi.
Portugaliyalik hujumchi Krishtianu Ronaldu agar “Manchester Yunayted” joriy mavsum yakunida Chempionlar ligasi yo‘llanmasini qo‘lga kiritmasa, klubni tark etishi mumkin.
Xabarlarga ko‘ra, 36 yoshli portugaliyalik futbolchi faoliyatining so‘nggi yillarida Yevropa ligasida o‘ynashni istamayapti.
Ayni damda “Manchester Yunayted” Angliya premyer-ligasi turnir jadvalida oltinchi o‘rinni egallab turibdi. “Mankunianliklar” hisobida 17 ochko bor.
Eslatib o‘tamiz, Krishtianu Ronaldu 2021 yilning 27 avgust kuni Turinning “Yuventus” klubidan “Manchester Yunayted”ga ko‘chib o‘tgandi. Bundan avval Ronaldu 2003-2009 yillarda “qizil iblislar” sharafini himoya qilgan.
Avvalroq Keylor Navas jarohati tufayli ikkita o‘yinni o‘tkazib yuborishi haqida xabar berilgandi.
Jamshidbek Amirov
