Rossiyada ayol jangovar itga talatildi

 

Bugun ijtimoiy tarmoqlarda  Mitish shahrida mast haydovchi ko‘chada ketayotgan ayolni  jangovar itiga talatgani aks etgan videolavha tarqaldi.  Unda haydovchi   mashinadan itni chiqarib  ayol tomonga qarata “tashlan” degan buyruqni bergan. O‘zi esa jarayonda qizning qo‘lidagi telefonni tortib olishga uringan.

 

Jabrlanuvchi Yuliya Dvujilova politsiyaga voqeaning to‘liq videosini taqdim etdi va voqeani batafsil tasvirlab berdi

 

Bezori politsiyachilar tomonidan  qo‘lga olindi.

 

Maʼlum bo‘lishicha 1986 yilda tug‘ilgan erkak doimiy ravishda mast xolda bo‘lib yon atrofdagilarni it bilan tinchligini buzgan. O‘sha kuni ham u mast xolda bo‘lgan. Mashina  boshqarayotib yo‘l chetida ketayogan Yuliyani urib yuborishga  bir baxya qolgan.  Yuliya darhol  telefonini olib  uning mashina raqamini  videoga olishni boshlagan.   Bu holat yigitga yoqmagan va bunga javoban qiz tomonga itini qo‘yib yuborgan.

 

 Qiz turli tan jarohatlar bilan  shifoxonaga  yotqizilgan. Bezori 10 sutkaga hibsga olingan.

 

 Avvalroq,Rossiyadagi ommaviy mushtlashuvda ishtirok etgan 50 nafarga yaqin migrant mamlakatdan “deport” qilingani  hamda Metroda begona qizni himoya qilgan yigit  ayovsiz kaltaklangani haqida xabar berilgandi.

 

Munojat Valiyeva