Toshkentda sambo bo‘yicha jahon chempionati boshlanmoqda
12-14 noyabr kunlari yurtimiz yana bir ajoyib sport anjumani — sambo bo‘yicha kattalar o‘rtasidagi jahon chempionatiga mezbonlik qiladi.
Hisob bo‘yicha 46-marotaba tashkil etilayotgan bahslarda jahonning 50 ga yaqin mamlakatidan 400 nafarga yaqin sambochilar sovrinli o‘rinlar uchun kurash olib borishadi.
Musobaqa erkaklar, ayollar va jangovar sambo yo‘nalishida tashkil etiladi. Har bir yo‘nalishda 7 tadan — umumiy hisobda 21 ta vazn toifasida g‘olib va sovrindorlar aniqlanadi.
Jahon chempionatining umumiy sovrin jamg‘armasi 231 ming AQSH dollarini tashkil etadi. Oltin medal sohiblari 4000, kumush medal egalari 3000, bronza medalini qo‘lga kiritgan sambochilar esa 2000 AQSH dollari bilan mukofotlanadi.
Eslatib o‘tamiz, Toshkentdagi jahon chempionatining bosh homiysi “Rosneft” kompaniyasi, hamkorlar esa VTB Bank, "Flash Up Energy" va “BUKA” kompaniyalari hisoblanadi.
Jamshidbek Amirov
