Qashqadaryoda to‘rt xotinli erkak ikki xotinining qotiliga aylandi
U ikkinchi xotinini 2019-yil o‘ldirib, quduqqa tashlab yuborgan.
Birinchi qotilligidan so‘ng 13 yil “o‘tirib chiqqan” erkakning ikkinchi qotilligi haqida uning 15 yoshli qizi xabar bergan.
Mazkur qotillik voqeasi haqida qisqacha axborot bergan viloyat IIB axborot xizmati kosonlik erkak ikkinchi xotinini 2019 yil o‘ldirib, quduqqa tashlab yuborganini oshkor qildi.
“Koson tumanida yashovchi T.Q. mast holda tayoq bilan xotini X.G.ni urib, qo‘l va oyoqlarini sindirib, qasddan o‘ldiradi va jasadni quduqqa tashlab, tuproq bilan ko‘mib yuborganligi aniqlandi”, — deyiladi viloyat IIB axborot xizmati xabarida.
Aniqlanishicha, fuqaro dastlabki qotilligini 1986-yil sodir etgan. U umrining 13 yilini panjara ortiga o'tkazgan. Ammo fuqaro bundan to'g'ri xulosa chiqarmay, 2019-yil yana bir xotinini 13 yoshli qizining ko‘z o‘ngida urib o‘ldirib, quduqqa tashlagan va ustidan ko‘mib yuborgan. Ikki yildan so‘ng yaʼni 2021-yil 15 yoshga kirgan o‘sha qiz o‘gay onasini ham o‘lgudek do‘pposlayvergan otasi yana bir qotillikka qo‘l urishidan qo‘rqib, bu haqda huquqni muhofaza qiluvchi organ vakillariga xabar bergan.
