Qashqadaryo viloyatiga yangi hokim tayinlandi
Viloyat hokimi Zoyir Mirzayev boshqa ishga o‘tishi munosabati bilan vazifasidan ozod etildi.
Avvalroq Davlat bojxona qo‘mitasi raisi Murodjon Azimov Qashqadaryo viloyati hokimi lavozimiga tayinlanishi mumkinligi haqida xabar bergan edik.
Bugun, 18-noyabr kuni viloyat hokimligi majlislar zalida faollar yig‘ilishi bo‘lib o‘tdi.
Qashqadaryo viloyati hokimligi axborot xizmati xabariga ko‘ra, yig‘ilishda O‘zbekiston Respublikasi Prezidenti Administratsiyasi rahbari Zaynilobiddin Nizomiddinov ishtirok etdi.
Shuningdek, viloyat hokimining o‘rinbosarlari, viloyat, shahar va tumanlar sektorlar rahbarlari, xalq deputatlari viloyat kengashi deputatlari, Senat aʼzolari, viloyat boshqarma va tashkilotlari rahbarlari qatnashishdi.
Yig‘ilishda tashkiliy masala ko‘rib chiqildi.
Viloyat hokimi Zoyir Mirzayev boshqa ishga o‘tishi munosabati bilan vazifasidan ozod etildi.
Uning o‘rniga Murodjon Berdialiyevich Azimov Qashqadaryo viloyati hokimi vazifasini bajaruvchi etib tayinlandi.
Maʼlumot uchun: General-mayor Murod Azimov 1976 yil Kitob tumanida tug‘ilgan. U 2018 yilning fevral oyidan buyon Davlat bojxona qo‘mitasi raisi lavozimida ishlab kelayotgan edi.
