“Oq bo‘rilar”ning keyingi raqiblari eʼlon qilindi
O‘zbekiston milliy futbol terma jamoasi qishki yig‘inlar davomida qaysi termalarga qarshi o‘rtoqlik o‘yinida ishtirok etishi maʼlum bo‘ldi.
Yaqinda Gruziya termasi bilan o‘rtoqlik o‘yini o‘tkazgan jamoamiz kichik hisobda imkoniyatni boy bergandi.
Srechko Katanes boshchiligidagi termamiz qishki yig‘in davomida 2022 yilning 21 yanvarida Yaponiya jamoasiga qarshi o‘rtoqlik o‘yini o‘tkazadi. Mazkur o‘yin Tokio shahridagi “Saitama” stadionida bo‘lib o‘tishi rejalashtirilgan.
OFK kalendariga muvofiq, fevral oyidagi milliy terma jamoalar uchun belgilangan FIFA kunlarida O‘zbekiston milliy terma jamoasi Dubay shahrida o‘quv-mashg‘ulot yig‘ini o‘tkazishi maʼlum bo‘ldi. Ushbu yig‘in davomida vakillarimiz Yangi Zelandiya milliy terma jamoasi bilan o‘rtoqlik uchrashuvida maydonga tushadi. Mazkur bahs 2022-yil 1-fevral kuni bo‘lib o‘tadi.
Аvvalroq Eldor Shomurodovning narxi keskin ko‘tarilgani va O‘zbekiston milliy terma jamoasi aʼzosi Otabek Shukurovning otasiga prezident nomidan qorabayir zotdor oti sovg‘a qilingani haqida xabar berilgandi.
Jamshidbek Amirov
