Messi yettinchi bor "Oltin to'p"ni qo'lga kiritdi
Parij shahrida futbol bo‘yicha yilning eng yaxshilarini taqdirlash marosimi bo‘lib o‘tdi.
Marosimda “PSJ” va Argentina terma jamoasi hujumchisi, Lionel Messi 2021 yilgi mavsum “Oltin to‘p” sovrinini qo‘lga kiritdi.
Shuningdek, 34 yoshli argentinalik futbolchi bu sovrinni 7 marotba qo‘lga kiritdi va bu rekord ko‘rsatkichdir. Krishtianu Ronaldu esa mazkur ko‘rsatkich bo‘yicha, 5 ta sovrin bilan 2 o‘rinni egallab turibdi.
Manbaga ko‘ra, 2021 yilda Messi “Barselona” bilan Ispaniya kubogini qo‘lga kiritdi. Natijada, 2020 — 2021 yilgi mavsumni 30 ta gol bilan La Liganing eng yaxshi to‘purari sifatida yakunladi va Argentina terma jamoasi bilan ilk bor Amerika Kubogini qo‘lga kiritdi.
Maʼlumot o‘rnida: Messi 2009 yildan 2012 yilgacha, shuningdek, 2015 va 2019 yillarda ketma-ket 4 marta “Oltin to‘p”ni qo‘lga kiritgandi.
Eslatib o‘tamiz, avvalroq “Barselona” va “Anji” klubining sobiq hujumchisi Samuel Eto‘O "Oltin to‘p" uchun asosiy daʼvogar Messi ekanligi hamda Kuman Messi “Barselona”dagi hamma narsaga taʼsir o‘tkazgani haqida xabar berilgandi.
Cho‘lponoy Ahmedova
