Yilning eng yaxshi hujumchisi “Oltin to‘p” sohibini tabrikladi
“Bavariya” va Polsha terma jamoasi hujumchisi Robert Levandovski “Oltin to‘p”ni topshirish marosimidan so‘ng muxlislarga murojaat qildi.
“Men Lionel Messini “Oltin to‘p” sohibi bo‘lganligi bilan tabriklayman. Menga ovoz bergan va 2021 yildagi yutuqlarimni muhim deb bilgan har bir insonga rahmat aytaman. Yilning eng yaxshi hujumchisiga aylandim. Kuchli jamoa va sodiq muxlislarsiz hech kim individual sovrinlarni qo‘lga kirita olmaydi. “Bavariya” klubining hozirgi muvaffaqiyatlarimga hissasi juda ham yuqori. Meni har doim qo‘llab-quvvatlab kelayotgan muxlislarga ham rahmat aytmoqchiman. Bundan tashqari oilamdagilarning barchasiga minnatdorchilik bildiraman”.
Eslatib o‘tamiz, kecha Fransiya poytaxti Parij shahrida o‘tkazilgan “Oltin to‘p” topshirish marosimida Robert Levandovski yilning eng yaxshi hujumchisi nominatsiyasini qo‘lga kiritdi.
Avvalroq Levandovcki “Real Madrid” klubiga o‘tmoqchiligi va “Bavariya” Levandovcki o‘rniga Holandni sotib olmoqchiligi haqida xabar berilgandi.
Jamshidbek Amirov
