Toshkentda jahon chempionati boshlanmoqda

 

Mazkur musobaqada dunyoning 80 ga yaqin mamlakatidan 400 dan ortiq sportchi “Yunusobod” sport majmuasi supachasiga ko‘tarilishi kutilmoqda. Chempionatga puxta tayyorgarlik ko‘rgan O‘zbekiston terma jamoasi tarkibida Rio-2016 va Tokio-2020 chempion va rekordchilari Ruslan Nurudinov va Akbar Jo‘rayev ham ishtirok etadi. Shuningdek, Adhamjon Ergashev, Doston Yoqubov, Muhammadqodir Toshtemirov, Sarvarbek Zafarjonov va yana bir qator sportchilarimiz salohiyatini namoyish qilishadi. Ayollar terma jamoasi vakili, Tokio Olimpiadasi rekordchisi Muattar Nabiyeva ushbu musobaqada ishtirok etmaydi, lekin bir qator yosh sportchi qizlarimiz dunyoning eng kuchli atletlari bilan kurashda ulkan tajriba orttirishadi hamda bu ularga Parij-2024 yo‘llanmasini qo‘lga kiritishda yordam beradi degan umiddamiz.

 

Ayni paytda musobaqaning barcha rasmiy jarayonlari, shu qatorda ishtirokchi va ularning chiqish vaqtlari malum bo‘ldi.

 

Atletlarimizning musobaqada qatnashish vaqti bilan tanishtirib o‘tamiz:

Ayollar

 

-49 kg. Zuhra Otajonova - 19:00 (8.12)

-55 kg. Jamila Panfilova - 16:00 (9.12)

-71 kg. Kumushxon Fayzullayeva - 19:00 (13.12)

-87 kg: Tursunoy Jabborova - 19:00 (16.12)

Erkaklar

 

-67 kg. Adhamjon Ergashev - 16:00 (10.12)

 Doston Yoqubov - 16:00 (10.12)

-81 kg. Muhammadqodir Toshtemirov 19:00 (12.12)

-89 kg. Otaxon Imomov - 10:30 (13.12) (B guruh)

-89 kg. Sarvarbek Zafarjonov - 16:00 (13.12)

-96 kg. Hojiakbar Olimov - 08:30 (14.12) (C guruhi)

-96 kg. Qurbonmurod Namozov - 13:00 (15.12)

-109 kg. Ruslan Nurudinov - 16:00 (16.12)

Akbar Jo‘rayev - 16:00 (16.12)

+109 kg. Mirhosil Mirzaboyev - 08:00 (17.12) (C guruh).

 

Avvalroq dzyudochilarimiz xalqaro turnirni ikkita medal bilan yakunlashgani va Buxoroda kurash bo‘yicha O‘zbekiston kubogi musobaqalari boshlangani haqida xabar berilgandi.

 

Jamshidbek Amirov