Bosh qomusimiz o‘quvchilar nigohida
Bugun Toshkent shahar Mirzo Ulug‘bek tumanidagi 338-maktabda 8 dekabr – O‘zbekiston Respublikasi Konstitutsiyasi kuni munosabati bilan bayram tadbiri bo‘lib o‘tdi.
Tadbir o‘quvchilarning mahoratini yuzaga chiqarish bilan bir qatorda, turli savol-javoblar tarzida o‘tkazilgan viktorinalar ularning bilimlarini ham yana bir bor sinovdan o‘tkazish imkonini berdi.
“O‘zbekiston Respublikasi Konstitutsiyasi qabul qilinganining 29 yilligi bilan barchani tabriklayman – deydi ushbu maktabning tarix fani o‘qituvchisi Antonina Zaripova. Bugungi o‘quvchilarimiz tomonidan tayyorlangan bayram tadbiri juda ko‘tarinki kayfiyatda o‘tkazildi. Bu kabi tadbirlar o‘quvchilarimizni konstitutsiyamizdagi qonunlarni anglashga, tushunishga hamda ularga rioya etishga xizmat qiladi. Bosh qomusimizga nisbatan ularda hurmat ortadi”.
Shuningdek, mazkur tadbirda 8-V, 8-G, 9-B va 10-B sinf o‘quvchilari ishtirokida o‘zaro zakovat bahslari o‘tkazildi. Qizg‘in va murosasiz o‘tgan bellashuvda 8-G jamoasi g‘alabani qo‘lga kiritdi. 2-o‘rin 9-B, 3-o‘rin esa 10-B jamoasiga nasib etdi. G‘oliblar tadbir so‘nggida tashkilotchilar tomonidan maqtov yorlig‘i va turli estalik sovg‘alari bilan taqdirlanishdi.
Jamshidbek Amirov
