Piyoz va uning po‘sti — ming dardga davo
Infarkt yoki insultni boshidan kechirgan insonlarga har kuni pishirilgan piyozni isteʼmol qilish tavsiya etiladi.
Piyoz kuchli antibakterial taʼsirga ega.
Asal bilan yangi piyoz sharbati bronxit va pnevmoniyani davolash, yo‘tal xurujlarini bartaraf etish uchun ishlatiladi.
Pishirilgan piyoz kompresslari quloq og‘rig‘iga yordam beradi va oyoqlarga surtilganda tana haroratini pasaytiradi.
Pishgan piyozning shifobaxsh xususiyatlari:
Ø Pishgan piyoz yaralar va yotoq yaralarni davolashda yordam beradi. Buning uchun piyoz qobig‘ida pishiriladi va og‘riqli joylarga surtiladi;
Ø Yiringli yaralarni davolashda ham pishirilgan piyozdan foydalanish mumkin. Issiq piyoz kompressini har kuni 20 daqiqadan muammoli joyga qo‘yib, ushlab turish lozim. Yiringli yaralar juda tez yo‘qoladi;
Ø Pishgan piyozni qon ivishida muammolari bo‘lgan har bir kishi ko‘proq isteʼmol qilishi kerak.
Piyoz po‘stini tashlab yuborishga shoshilmang!
Piyoz po‘stining qaynatmalari ekspektoran ( balg‘am ko‘chiruvchi), laksatif (ich suruvchi), peshob haydovchi, safro haydovchi, spazmolitik, vitaminlar, mikroblarga qarshi, tomirlarni toraytiruvchi sifatida ishlatiladi.
Angina shishishi qiynaganda:
Piyoz qobig‘ining ustiga qaynoq suv quyib, iligach filtrlanadi. Va tomoqni chayish uchun foydalaniladi.
Burun oqishida — allergik va shamollaganda:
Qaynoq suvga 4 osh qoshiq to‘g‘ralgan piyoz po‘sti solinib, 3-5 daqiqa davomida bug‘ida nafas olish kerak.
Yo‘tal tutsa…
2 osh qoshiq piyoz po‘stiga 2 stakan suv solib, 15 daqiqa davomida qaynatiladi, suziladi. Kuniga 3 marta 1/4 stakan iliq holda ovqatdan 30 daqiqada oldin ichiladi.
Buyrak va peshob yo‘llari shamollaganda:
3 choy qoshiq maydalangan piyoz po‘stining ustiga 2 stakan suv solib qaynatiladi va 30 daqiqaga davomida tindiriladi.
O‘tkir sistitda kuniga 2 marta 50 ml. dan 3-5 kun davomida, surunkali sistitda 10 kun davomida kuniga 3-4 marta 2 osh qoshiqdan ichiladi.
Cho‘lponoy Ahmedova tayyorladi.
