Yilning eng yaxshi sportchilarini taqdirlash marosimi bo‘lib o‘tdi

 

Bugun Sport va turizm vazirligi tomonidan Yilning eng yaxshi sportchisini taqdirlash marosimi o‘tkazildi. Unda quyidagi nominatsiyalar bo‘yicha g‘oliblar taqdirlandi:

 

“Yilning eng faol sport jurnalisti” – “Sport TV” telekanali jurnalisti Shafoat Tolibjonova;

 

“Yilning eng faol sport foto muxbiri” – O‘zbekiston Milliy axborot agentligi va “Olamsport.com” sayti foto muxbiri Almurat Mamadaminov;

 

“Yilning eng faol sport muxlisi” – Abduraxmon Fozilov;

 

“Sport yo‘nalishi bo‘yicha yilning eng faol matbuot xizmati” –  O‘zbekiston futbol assotsiatsiyasi;

 

“Yilning eng faol sport sayti” – “Sports.uz” sayti;

 

“Yilning eng yaxshi sport shifokori” – Respublika sport tibbiyoti ilmiy amaliy markazi bosh shifokori Dilshodbek Maxmudov;

 

“Yilning eng yaxshi hududiy turizm va sport bosh boshqarmasi” – ommaviy sportni rivojlantirishdagi faolligi uchun Farg‘ona viloyati Turizm va sport bosh boshqarmasi;

 

“Yilning eng faol sport blogeri” – instabloger, “MY5” telekanali xodimi Hilola Isoqova;

 

“Yilning eng yaxshi sport terma jamoasi” – og‘ir atletika bo‘yicha O‘zbekiston terma jamoasi;

 

“Yilning eng faol sport maktabi” – Buxoro tumani bolalar-o‘smirlar sport maktabi;

 

“Yilning eng yaxshi murabbiyi” – Tokio-2020 Olimpiya o‘yinlari chempioni Ulug‘bek Rashitovning murabbiyi Xan Pavel;

 

“Yilning eng yaxshi yosh sportchisi” (qizlar o‘rtasida) – boks bo‘yicha o‘smirlar o‘rtasida jahon chempioni Nigina O‘ktamova;

 

“Yilning eng yaxshi yosh sportchisi” (o‘smirlar o‘rtasida) – erkin kurash bo‘yicha o‘smirlar o‘rtasida jahon chempioni Kamronbek Kadamov;

 

“Yilning eng tomoshabop sport tadbirlari tashkilotchisi” – O‘zbekiston aralash jang san’atlari assotsiatsiyasi;

 

“Yilning eng matonatli erkak sportchisi” – para yengil atletika bo‘yicha Tokio-2020 Paralimpiya o‘yinlari g‘olibi Elbek Sultonov;

 

“Yilning eng matonatli ayol sportchisi” – para yengil atletika bo‘yicha Tokio-2020 Paralimpiya o‘yinlari g‘olibi Nurxon Kurbonova;

 

“Yilning eng yaxshi para sport murabbiyi” – para yengil atletika bo‘yicha murabbiy Sardor Abduxalikov;

 

“Yilning eng yaxshi yosh matonatli sportchisi” (o‘g‘il bolalar o‘rtasida) – para yengil atletika bo‘yicha Tokio-2020 Paralimpiya o‘yinlari g‘olibi Boburjon Omonov;

 

“Yilning eng halol hakami” – dzyudo bo‘yicha xalqaro toifadagi hakam Ramziddin Saidov;

 

“Yilning eng saxiy sport homiysi” – “QIZILQUMSEMENT” aksiyadorlik jamiyati, “Olmaliq kon-metallurgiya kombinati” aksidorlik jamiyati, “O‘zbekiston temir yo‘llari” aksiyadorlik jamiyati hamda Oriyent Finans Bank;

 

“Yilning eng yaxshi yosh matonatli sportchisi” (qizlar o‘rtasida) – para yengil atletika bo‘yicha Tokio-2020 Paralimpiya o‘yinlari g‘olibi Asila Mirzayorova;

 

“Yilning eng intiluvchan federatsiyasi” – O‘zbekiston o‘q otish federatsiyasi;

 

“Sport sohasidagi xalqaro hamkorlikni kuchaytirishga qo‘shgan hissasi uchun” – Osiyo Olimpiya Kengashi vitse-prezidenti Otabek Umarov;

 

“Yilning eng yaxshi sportchisi” O‘zbekiston Milliy kubogi g‘olibi – og‘ir atletika bo‘yicha Olimpiya o‘yinlari va jahon chempioni Akbar Jo‘rayev;

 

“Yilning eng yaxshi sport federatsiyasi” – O‘zbekiston kamondan otish federatsiyasi;

 

“Yil kashfiyoti” sovrini – taekvondo bo‘yicha Olimpiya o‘yinlari chempioni Ulug‘bek Rashitov;

 

“Yilning eng yaxshi sportchisi” – boks bo‘yicha Olimpiya o‘yinlari chempioni Bahodir Jalolov.