Fransiya prezidenti rafiqasiga xiyonat qilgani rostmi?
Fransiyaning birinchi ayoli Brijit Makronga nomaʼlum shaxs qo‘ng‘iroq qilib, turmush o‘rtog‘i unga xiyonat qilishini xabar qildi.
Bu haqda siyosiy sharhlovchi Nikolya Priset o‘zining “Prezident kampaniyalari jahannamida” deb nomlangan hujjatli filmida eʼlon qildi.
Prisetning so‘zlariga qaraganda, nomaʼlum fuqaro prezident juftligi gadjetlarining barcha tekshiruv bosqichlaridan o‘tib, Brijit Makronga qo‘ng‘iroq qilgan.
Oldinroq Fransiya prezidenti Emmanuel Makron Isroilning Pegasus shpion dasturining qurboni bo‘lganligi haqidagi xabarlardan so‘ng telefoni va raqamini o‘zgartirgani haqida xabar qilgan edik.
“Men hozir eringiz jazmani bilan ekanini bilaman”, - degan u.
Fransiyalik senator Fransua Patriat ham bu qo‘ng‘iroqni tasdiqlagan. Uning aytishicha, prezidentning rafiqasi telefonni qo‘ygach unga quyidagi so‘zlarni aytgan:
“Ular nima deganini tushunyapsizmi? Bizga rahm qilishmaydi. Men eshitganlarimdan dahshatga tushdim, ammo biz oldinga harakatlanishda davom etamiz”.
Fransiya prezidenti Emmanuel Makron va uning turmush o‘rtog‘i Brijit o‘rtasidagi 24 yillik farq hamon muhokama qilinadi. Bundan tashqari, Makronni Gitlerga o‘xshashi ham shov-shuvga sabab bo‘lgan edi.
Sharofat Mahmudova
