“Manchester Yunayted” Ronaludni qo’yib yubormoqchi emas
Portugaliyalik futbolchi “Qizil iblislar”ga moliyaviy daromad manbayi hisoblanadi.
"Manchester yunayted" Krishtianu Ronalduni yo'qotmoqchi emas. Buning sababi esa portugaliyalik hujumchining yaxshi o'yinida yoki gollarida emas. "Qizil iblislar" pandemiya sababli 2019-yildan beri birinchi bo'lib, joriy yozda AQShga mavsumoldi turnesini hamda bu orqali moliyaviy ahvolini yaxshilashni rejalashtirgan.
Qo'shma Shtatlar tasodifan tanlanmagan. Issiq iqlim, mashg‘ulotlar uchun ajoyib sharoitlar, va eng muhimi, boy muxlislar va homiylar. Daily Star xabariga ko'ra, klub allaqachon hisob-kitob qilib bo'lgan - tur homiylar, merchandaysing va chiptalar tufayli g'aznani kamida 24 million yevroga to'ldirishi kerak. Ammo moliyaviy safar muvaffaqiyatli o'tishi uchun klub tarkibda Krishtianu Ronaldu kerak. Kelgusi oy boshida Ed Vudvordni boshqaradigan yangi bosh direktor Richard Arnold Ronalduni saqlab qolishga harakat qilmoqda va yaqin haftalarda Ronaldu bilan muzokara olib borishga umid qilmoqda.
Avvalroq Kirishtianu Ronaldu faoliyatini “Barselona”da davom ettirishi mumkinligi xabar qilingan edi.
