Markaziy bank Rossiya va O‘zbekiston o‘rtasidagi transchegaraviy hamkorlik to‘g‘risida bayonot berdi.
Shuningdek, pul o‘tkazmalariga oid muammolarning sababi ham ochiqlandi.
— Rossiya Federatsiyasi va O‘zbekiston Respublikasi o‘rtasidagi transchegaraviy pul o‘tkazmalari faoliyati yuzasidan O‘zbekiston Respublikasi Markaziy banki quyidagilarni maʼlum qiladi.
— Bugungi kunda mavjud vaziyatdan kelib chiqqan holda ayrim xalqaro pul o‘tkazmalari operatorlari faoliyatida vaqtinchalik uzilishlar yoki to‘xtalishlar kuzatilmoqda.
— Qayd etish lozimki, Rossiya Federatsiyasidan O‘zbekistonga pul o‘tkazmalarini amalga oshiruvchi ko‘plab tizimlar yo‘lga qo‘yilgan bo‘lib, baʼzi tizimlarda uzilishlar vujudga kelganda ularning boshqa muqobilidan foydalanish imkoniyati mavjud.
— Xalqaro pul o‘tkazmalarining aholi uchun dolzarbligidan kelib chiqib, tijorat banklari tomonidan mamlakatimiz hududida ularning uzluksiz faoliyati uchun zarur choralar ko‘rib borilmoqda.
