“O‘zagroinspeksiya” boshlig‘i "hamir uchdan patir" olayotganda qo‘lga tushdi
Qashqadaryoda yana bir mansabdor o‘ziga berilgan ishonchni suiisteʼmol qildi.
Bu haqda O‘zbekiston Respublikasi Bosh prokurorining matbuot kotibi xabar berdi.
Shuningdek, Qashqadaryo viloyati prokuraturasiga ko‘ra, “O‘zagroinspeksiya” Nishon tumani bo‘limi katta inspektori R.Sh. fuqaro O.B. dan o‘ziga tegishli traktori uchun texnik hujjat rasmiylashtirib berish evaziga 3 million so‘m pora talab qilib, shundan 1 million so‘mini oldindan olib, 3 mart kuni qolgan 2 million so‘mni olayotgan vaqtida qo‘lga olingan.
Hozirda mazkur holat yuzasidan viloyat prokuraturasi tomonidan JKning 210-moddasi (pora olish) bilan jinoyat ishi qo‘zg‘atilib, dastlabki tergov harakatlari olib borilmoqda.
