OTMga kirishda test topshiriladigan fanlar majmuasi tasdiqlandi
Majburiy fanlar blokidagi to‘g‘ri javoblarga oldingi yilgiga qaraganda kamroq ball beriladi.
Davlat komissiyasining bayoni bilan OTMlarning bakalavriat taʼlim yo‘nalishlariga mos test sinovi topshiriladigan fanlar majmuasi, test topshiriqlari soni hamda baholash mezonlari tasdiqlandi. Bu haqda DTM axborot xizmati xabar berdi.
Barcha test topshiruvchilar uchun majburiy bo‘lgan 3 ta fan bo‘yicha:
§ Ona tili (o‘zbek, rus yoki qoraqalpoq tili) — 10 ta savol. Har biri uchun 1,1 balldan, maksimal ball — 11 ball.
§ Matematika — 10 ta savol. Har biri uchun 1,1 balldan, maksimal ball — 11 ball.
§ O‘zbekiston tarixi — 10 ta savol. Har biri uchun 1,1 balldan, maksimal ball — 11 ball.
Jami to‘plash mumkin bo‘lgan ball — 33 ball.
Bakalavriat taʼlim yo‘nalishiga mos bo‘lgan 2 ta fan bo‘yicha:
§ 1-fan — 30 ta savol. Har biri uchun 3,1 balldan, maksimal ball — 93 ball.
§ 2-fan — 30 ta savol. Har biri uchun 2,1 balldan, maksimal ball – 63 ball.
Jami to‘plash mumkin bo‘lgan ball — 156 ball.
Umumiy holda, 2022/2023 o‘quv yili qabulida abituriyentlarga 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball — 189 ballni tashkil etadi.
