Biz juda yaxshi o‘yin ko‘rsatdik - Yurgen Klopp
«Liverpul» bosh murabbiyi Chempionlar ligasining yarim finali haqida gapirdi.
Yurgen Klopp YCHL yarimfinalida «Vilyarreal»ga qarshi bahsdan so‘ng o‘z fikrlarini bildirdi.
"Butun o‘yinni bosim bilan davom ettirishimiz kerakligi aniq edi. «Vilyarreal» bosimni yengib o‘tishi bilan darhol tahdid qiladi. Lekin biz ajoyib ishladik va juda yaxshi o‘yin ko‘rsatdik. Birinchi bo‘limda yaxshi harakat qildik, optimizm va munosabatni saqlab qolish kerak edi. Hozircha hammasi yaxshi ketmoqda. Endi Vilyarrealga uchamiz va finalga chiqishga harakat qilamiz. Ikkinchi o‘yinda hushyor bo‘lish va birinchi bahs kabi mutlaqo bir xil munosabatda qolish kerak. 2:0 hisobida oldindamiz, bu yomon emas, o‘yin boshlanishidan oldin yaxshi. Ammo biz finalga chiqmaganimizni tushunamiz", — deya Kloppning so‘zlarini UEFA rasmiy sayti keltirdi.
Eslatib o‘tamiz, javob bellashuvi 3 may kuni bo‘lib o‘tadi.
Avvalroq, Lukakuning transferi so‘roq ostida qolayotgani haqida xabar berilgandi.
