O‘zbek mutaxassislari Mozori-Sharif aeroportini tiklashni yakunlamoqda
Bu haqda “Valday” munozara klubida maʼlum qilindi.
O‘zbekistonlik mutaxassislar Mozori-Sharif aeroportini taʼmirlashni yakunlamoqda. Bu haqda O‘zbekiston TIV qoshidagi xalqaro munosabatlar axborot-tahliliy markazi direktori Doniyor Qurbonov “Valday” xalqaro munozara klubidagi chiqishida maʼlum qildi.
Qurbonov Toshkentning Afg‘onistonni Markaziy va Janubiy Osiyo o‘rtasidagi ko‘prikka aylanishi uchun ko‘p ishlarni qilayotganini aytgan.
“Afg‘oniston 30 foizi importini Termizdagi transport-logistik xabdan qabul qiladi. Shuningdek, O‘zbekiston Kobulga elektr energiyasi yetkazib bermoqda”, – degan u.
Avvalroq “Tolibon” 100 ming kishini armiyaga jalb qilgani to‘g‘risida xabar qilingandi.
