Italiya 2024-yilda Rossiya gazidan to‘liq voz kechadi
Italiya boshqa mamlakatlardan gaz oladigan bo‘ldi.
Italiya bosh vaziri Mario Dragi mamlakat 2024-yilning ikkinchi yarmigacha Rossiya gazisiz yashay olishi mumkinligini aytdi.
“Hukumat hisob-kitoblari shuni ko‘rsatadiki, biz 2024-yilning ikkinchi yarmida Rossiya gazidan mustaqil bo‘la olamiz”, — degan u.
U Italiyaning Rossiya gazidan bosqichma-bosqich chiqib ketishining samarasi 2022-yil oxirida paydo bo‘ladi, deb ishontirgan.
Italiya tomonidan import qilinadigan gazning 40 foizi Rossiya Federatsiyasidan keladi. Biroq Rim bu qaramlikni kamaytirish doirasida Jazoir, Angola va Kongo Respublikasi bilan ushbu mamlakatlardan gaz yetkazib berishni ko‘paytirish bo‘yicha kelishuvlarga erishdi.
Italiya “Gazprom”ning Germaniya va Turkiyadan keyin uchinchi yirik eksport bozoridir. 2021 yilda Rossiya Federal bojxona xizmati ma’lumotlariga ko‘ra, yetkazib berish 18,445 milliard kub metrni tashkil etgan.
