Vafodor Marko

 

«Borussiya Dortmund» hujumchisi Marko Roys jamoada 10 yildan beri to‘p surib kelmoqda. Bu vaqt ichida Dortmund klubi bir qator yulduz futbolchilar yetishib chiqdi va boshqa jamoaga o‘tib ketishdi. Faqatgina Roys shuncha yildan buyon jamoaning sodiq futbolchilaridan biri sifatida faoliyat olib bormoqda. Biz nemis futbolchisi bilan «Borussiya»da o‘ynagan jahonning yulduz futbolchilari haqida ma’lumot beramiz.

 

Mario Gyotse

 

Gyotse «Qora-sariqlar»dan 2013 yilda  «Bavariya» safiga borib qo‘shiladi. Undan so‘ng 2020 yilda «PSV» futbolchisiga aylanadi. Undan avval u Roys bilan bir jamoada o‘ynagan.

 

Robert Levandovski

 

Levandovski bilan Roys hujumda ajoyib o‘yinlarni o‘tkazishgan. Ikki mavsum davomida ular muntazam ravishda gollar urishgan hamda bir-birini tushunadigan tandem sifatida faoliyat olib borishgan. Ammo 2014 yilda Robert klub bilan yangi shartnoma imzolamaydi va «Bavariya» klubiga tekinga o‘tib ketadi.

 

Mats Hummels

Avval «Borussiya» sharafini himoya qilgan Hummels 2016 yildan 2019 yilgacha Myunxenning «Bavariya» klubida to‘p suradi. Biroq shundan so‘ng u yana «Borussiya»ga qaytib kelgan.

 

Per-Emerik Obameyang

 

Besh mavsum davomida Roys va Aubameyang «Borussiya Dortmund»da yonma-yon to‘p suradi. 2018 yilga kelib, hujumchi «Arsenal» futbolchisiga aylanadi.

 

Ilkay Gyundogan

 

Gyundogan «Borussiya»ga Roysdan bir mavsum oldin kelib, 2016 yilda jamoani tark etadi. Hozirda futbolchi «Manchester Siti» futbolchisi hisoblanadi.

 

Genrix Mxitaryan

 

Uch mavsum davomida Mxitaryan va Roys Genrix «Manchester Yunayted»ga sotilgunga qadar yarim himoyada muvaffaqiyatli harakat qilishgan.

 

Kristian Pulishich

Pulishich «Borussiya» bilan 2015 yilda shartnoma imzolagan. O‘shanda u 16 yoshda edi. 2019 yilda futbolchi 64 million yevro evaziga «Chelsi» futbolchisiga aylanadi.

 

Jeydon Sancho

 

Sancho va Roys 2017 yildan 2021 yilgacha bir jamoada o‘ynashadi. Shundan so‘ng Jeydon 73 million funt evaziga "Manchester Yunayted” safiga borib qo‘shiladi.

 

Erling Holand

 

Holand Levandovskidan keyin jamoaning hujum chizig‘ida eng ko‘p gol urishga muvaffaq bo‘lgan birinchi hujumchisi bo‘ldi. Norvegiyalik futbolchi nemis klubida 2,5 yil davomida to‘p surdi. Hozirda futbolchi Angliyaning «Manchester Siti» a’zosiga aylanganini rasman e’lon qildi.