0
Londondagi ta‘lim forumida o‘zbekistonliklar ham qatnashmoqda
Butunjahon taʼlim forumi anʼanaviy tarzda har yili o‘tkaziladi hamda taʼlim sohasidagi dunyoning eng nufuzli tadbirlaridan biri hisoblanadi.
Prezident taʼlim muassasalari agentligi delegatsiyasi Hilola Umarova boshchiligida London shahrida o‘tkazilayotgan Butunjahon taʼlim forumida ishtirok etmoqda.
Forum doirasida taʼlim sohasidagi nufuzli xalqaro tashkilotlar rahbarlari va mutaxassislarning taqdimotlari bo‘lib o‘tishi rejalashtirilgan.
“Taʼlim forumi sohada pandemiyadan keyingi chora-tadbirlar, karantin sharoitining o‘qitish tizimiga taʼsiri hamda taʼlimni rivojlantirish bo‘yicha xalqaro hamkorlik kabi masalalar muhokamasiga bag‘ishlanadi”, deyiladi agentlik xabarida.
Bu yil forumda 1000 nafarga yaqin mutaxassis ishtirok etmoqda.
