Shakira futbolchi Pike bilan ajrashmoqda
Bunga turmush o‘rtog‘ining xiyonati sabab bo‘lgan.
“Barselona” futbolchisi Jerar Pike va mashhur qo‘shiqchi Shakira ajrashishga qaror qildi. “El Periodico” saytining xabar berishicha, buning sababi kataloniyalik o‘yinchining doimiy ravishda xiyonat qilishidir.
Estrada yulduzi endi erining sarguzashtlariga dosh bera olmasligini va shuning uchun uni shunchaki tark etishini ma’lum qilgan. Hozirda Pike Barselonada yolg‘iz yashaydi. Pike hali ham ayollar bilan uchrashishda davom etmoqda, deyiladi xabarda.
Eslatib o‘tamiz, avvalroq OAV Shakira va Pike o‘rtasidagi kelishmovchilik haqida anchadan buyon gapirib kelayotgandi. Bir necha oy oldin odatda birga vaqt o‘tkazadigan juftlik ijtimoiy tarmoqlarda birga tushgan suratlarini joylashni to‘xtatgan.
