Yevropa Ittifoqi Orol dengizi ekotizimini tiklashga yordam beradi
YеIga aʼzo davlatlar Diplomatik vakolatxonalari rahbarlari Qoraqalpog‘istonga safar uyuushtirishgandi.
Yevropa Ittifoqi vakillari O‘zbekistonning YEIga aʼzo 27 davlat orasida mamlakat hukumatining cho‘llanishdan zarar ko‘rgan yerlarni tiklash bo‘yicha saʼy-harakatlarini qo‘llab-quvvatlagan holda Qoraqalpog‘istonga sovg‘a sifatida joriy yil oxirigacha Orol dengizi tubiga 27 000 tup daraxt ko‘chatlari ekish niyatini bildirdi.
Bu ittifoqqa aʼzo davlatlar Diplomatik vakolatxonalari rahbarlarining Qoraqalpog‘istonga o‘tkazgan tanishuv safari chog‘ida maʼlum qilindi.
“Yevropa Ittifoqi va unga aʼzo davlatlar O‘zbekistonni atrof-muhit degradatsiyasini oldini olish va fojiadan jabr ko‘rgan aholining chidamliligini oshirish bo‘yicha barcha saʼy-harakatlarini qo‘llab-quvvatlashga tayyor. Yevropa Ittifoqi BMTning Orol dengizi mintaqasi uchun inson xavfsizligi bo‘yicha ko‘p sheriklik trast fondiga 5 million yevrodan ortiq mablag‘ ajratdi va bu tabiiy ofatlar oqibatlarini yumshatish bo‘yicha yuqori darajadagi majburiyatni taʼkidladi. Shu bilan Yevropa Ittifoqi joriy yil oxirigacha 27 000 ta daraxt ekishni rejalashtirmoqda. Shu yo‘l bilan biz Orolbo‘yida kelajakda yashil investitsiyalar va yaxshilangan ekotizimlar va barqaror hayotga yo‘l ochib berishga umid qilamiz”, – dedi Yevropa Ittifoqining O‘zbekistondagi elchisi Sharlotta Adrian.
