Chempionat boshlanishini intiqlik bilan kutyapman — Sterling
Futbolchi “Chelsi”ga o‘tganidan xursand.
“Manchester Siti”dan Londonning “Chelsi” klubiga o‘tgan hujumchi Rahim Sterling o‘zining transferi haqida gapirdi:
“Avvalo, men bu yerda ekanligimdan juda xursandman. Faoliyatimda ko‘p yutuqlarga erishdim. Ammo boshqa sovrinlarni yutish uchun imkoniyatlar sabab “Chelsi”ni tanladim. Chempionat boshlanishini intiqlik bilan kutyapman”, — deya Sterlingning so‘zlaridan “Sky Sports ” nashri iqtibos keltirgan.
27 yoshli angliyalik futbolchi bilan 5 yillik shartnoma imzolangan. Tomonlarning transfer summasi hozircha oshkor etilmagan. Transfermarkt portali futbolchining narxini 70 million yevroga baholamoqda.
Eslatib o‘tamiz, Sterling “Siti”dagi faoliyati davomida 337 o‘yinda 131 ta gol urdi va 94 ta golli uzatmani amalga oshirdi.
