Ronalduga katta miqdordagi mablag' taklif qilindi
U dunyodagi eng ko'p maosh oluvchi futbolchiga aylanishi mumkin.
Krishtianu Ronaldu dunyodagi eng ko'p maosh oluvchi futbolchiga aylanishi mumkin. AS xabariga ko'ra, Saudiya Arabistoni klubi portugaliyalik hujumchining transferi uchun 300 million yevro taklif qilgan. Bu summaning katta qismi futbolchiga ajratiladi.
Ronaldu ikki yillik shartnoma uchun 250 million olishi mumkin, yana 30 millioni uning amaldagi klubi - "Manchester Yunayted"ga, yana 20 millioni agentlarga to'lovlar uchun rejalashtirilgan edi.
Biroq mutaxassislarning fikricha, futbol yulduzi Arabiston yarim orolidan kelgan bunday saxovatli taklifni rad etadi. Ronaldu hali ham faoliyati yakuniga qadar Chempionlar ligasida g‘alaba qozonishni istaydi va shu bois Yevropada hech bo‘lmaganda yana bir mavsum o‘tkazmoqchi.
Eslatib o'tamiz, avvalroq Ronaldu "Manchester Yunayted"ni tark etishga yaqin ekanligi va klubning mavsumoldi turini o'tkazib yuborishi ma'lum bo'lgandi.
