Arab jamoalarida o‘ynagan yulduz futbolchilar
Ular faoliyatlarining so‘nggi yillarini Arabiston yarimorolida o‘tkazishgan.
Ko‘plab futbol yulduzlari faoliyatining yakuniy bosqichida arab jamoalariga yoki Amerika chempionati klublarida o‘ynashadi. Biz bugun Arabiston yarimoroli mamlakatlari jamoalarining sharafini himoya qilgan yulduz futbolchilar haqida so‘z yuritmoqchimiz.
Xavi (“Al-Sadd”, Qatar)
“Barselona” safida bir qator sovrinlarni qo‘lga kiritgan Xavi 2015ғyil Qatar chempionatiga o‘tadi. U yerdagi to‘rt yillik faoliyatdan so‘ng “Al-Sadd” jamoasida bosh murabbiy sifatida ish boshlaydi. Qatar klubida ispaniyalik sobiq futbolchi yiliga 10 million yevro maosh oladi.
Anti Kasorla (“Al-Sadd”, Qatar)
2020-yildan buyon Kasorla Qatarda o‘ynamoqda. U qisqa vaqt mobaynida Xavi qo‘l ostida ishlashga ham muvaffaq bo‘ldi.
Raul (“Al-Sadd”, Qatar)
2012-yildan 2014-yilgacha yana bir ispaniyalik futbolchi Raul “Al Sadd” safida o‘ynagan. Hamda klub bilan Qatar chempionatida g‘olib chiqqan. Faoliyatining oxirida u klub tarkibida yiliga taxminan 6 million yevro olgan.
Mario Manjukich (“Al-Duhayl”, Qatar)
2019-yilda Manjukich A Seriyadan Qatar chempionatida o‘ynashga qaror qiladi. U “Al-Duhail” klubi safida olti oy davomida to‘p suradi. Aynan o‘sha paytda koronavirus pandemiyasi boshlangandi. Ikki tomonning kelishuviga ko‘ra, futbolchining maoshi yili 7,5 million yevroni tashkil etgan.
Juliano (“An-Nasr”, Saudiya Arabistoni)
Rossiyalik futbol ishqibozlariga yaxshi tanish bo‘lgan Juliano “Zenit”da bir yil o‘tib, Turkiyaga jo‘nab ketadi. So‘ngra Saudiya Arabistoniga kelib, bu yerda 2018-yildan 2020-yilgacha faoliyat olib boradi.
Sebastyan Jovinko (“Al-Hilol”, Saudiya Arabistoni)
Saudiya jamoasiga kelishdan oldin Jovinko Kanadada chempionatida uch yil o‘ynaydi. Futbolchi “Al-Hilol” sharafini 2019-yildan 2021- yilgacha himoya qiladi. OAV maʼlumotlariga ko‘ra, uning maoshi yiliga 10 million yevro atrofida bo‘lgan.
Fabio Kannavaro (“Al-Ahli”, BAA)
2010-yildan 2011-yilgacha Kannavaro BAAda to‘p surgan: shartnoma ikki yilga tuzilgan, biroq Fabio bu yerda bor-yo‘g‘i bir mavsum o‘ynagan. Keyin tizzasidagi jarohati tufayli faoliyatini yakunlagan. Futbolchi so‘nggi mavsumda jamoasida yiliga 5 million yevro olgan.
Pep Gvardiola (“Al-Ahli”, Qatar)
Pep Gvardiola Qatarning “Al-Ahli” klubi sharafini himoya qilgan. U Yevropadagi yuqori darajadagi raqobatdan so‘ng Qatar ligasiga o‘tishga qaror qiladi. 2003-2005 yillarda u klub safida 2 million yevrodan ko‘proq maosh oladi.
Xames Rodriges (“Al-Rayyan”, Qatar)
2021-yilda “Everton” bilan bo‘lgan mojarodan so‘ng Rodriges Qatar klubi bilan shartnoma imzoladi. Hamda hozir ham o‘sha yerda o‘ynamoqda. Bu transfer ko‘proq pul ishlash uchun emas, balki boshqa sabablarga ko‘ra sodir bo‘lgani maʼlum qilingan.
Jamshidbek Amirov
