“Bavariya” Benjamin Pavar bilan xayrlashishga tayyor
Klub futbolchi uchun 35 million yevro so‘ramoqda.
Myunxenning “Bavariya” klubi fransiyalik himoyachi Benjamin Pavar bilan xayrlashishga tayyor. Bu haqda jurnalist Florian Plettenberg o‘zining ijtimoiy tarmoqdagi sahifasida maʼlum qildi.
Plettenbergning so‘zlariga ko‘ra, myunxenliklar jahon chempioni uchun taxminan 35 million yevroso‘ramoqda. Benjamin Pavar 2019 yilda Germaniyaning boshqa bir klubi – “Shtutgart”dan “Bavariya”ga o‘tgan edi. Myunxenliklar tarkibida fransuz futbolchisi chempionlik bilan birga, Germaniya kubogi va Superkubogi, shuningdek, Chempionlar ligasi va UEFA Superkubogini qo‘lga kiritdi. Qolaversa, Pavar Fransiya terma jamoasi safida jahon chempioni hisoblanadi.
Eslatib o‘tamikz, Pavardning amaldagi shartnomasi 2024 yilning yoziga qadar mo‘ljallangan. Transfermrakt portali futbolchining narxini 30 million yevroga baholamoqda. O‘tgan mavsumda Pavard barcha turnirlarda 36 ta o‘yinda maydonga tushib, 2 ta golli uzatmani amalga oshirgan.
