“Yuventus” Firminoni sotib olmoqchi
Turinliklar “Liverpul” hujumchisi uchun 23 million yevro taklif qilmoqda.
Turinning “Yuventus” klubi “Liverpul” hujumchisi Roberto Firminoga qiziqish bildirmoqda. Turinliklar braziliyalik hujumchi uchun 23 million yevro taklif qildi. Bu haqda "Tuttosport" nashri xabar berdi.
30 yoshli Firmino 2011 yilda “Xoffenhaym” klubida to‘p surgan. To‘rt mavsumdan so‘ng hujumchi “Liverpul”ga o‘tadi. Angliya jamoasi safida Firmino 327 uchrashuvda 98 ta gol urdi va 74 ta golli uzatmani amalga oshirdi. Futbolchi “Liverpul” bilan birgalikda oltita sovrin, jumladan, Chempionlar ligasi, Premyer-liga va klublar o‘rtasidagi jahon chempionatida g‘olib chiqdi. Firmino va “Liverpul” o‘rtasidagi amaldagi kelishuv 2023 yilning yozida yakuniga yetadi.
