O‘zbekistonda 1-avgustdan nimalar o‘zgaradi?
Bu bo‘yicha Hukumatning qator qarorlari qabul qilingan.
1-avgustdan boshlab quyidagi o‘zgartirish va yangiliklar nazarda tutilgan:
- Yuridik xizmatlar markazlari maktablar, bolalar bog‘chalari va poliklinikalarga xizmat ko‘rsatadi.
- Yuridik xizmatlar davlat organlarining tuman (shahar) bo‘linmalari va yuridik xizmat ko‘rsatilmagan tashkilotlari tomonidan olinadi.
- Mobile-ID shaxsiy identifikatsiya tizimi davlat xizmatlaridan foydalanishda mavjud identifikatsiya vositalari bilan parallel ravishda ishlaydi. U mobil telefon raqami orqali shaxsni aniqlashni nazarda tutadi.
- Mobile-ID tizimidan foydalangan holda identifikatsiya qilish fuqarolarning iltimosiga binoan davlat xizmatlari markazlari yoki notarial idoralar tomonidan yoki YAIDXP mobil ilovasi orqali amalga oshiriladi.
Quyidagi xizmatlar faqat YAIDXP orqali taqdim etiladi:
avtomototransport vositalari va shahar elektromobillari haydovchilarini tayyorlash, qayta tayyorlash va malakasini oshirish bo‘yicha nodavlat taʼlim xizmatlari ko‘rsatuvchi yuridik shaxslarning o‘quv guruhlarini ro‘yxatga
olish;
avtomototransport vositalarini va shahar elektrotransport vositalarini boshqarishga nomzodlarning milliy haydovchilik guvohnomalarini hamda imtihon topshirish hujjatlarini rasmiylashtirish.
Ayrim universitetlarda xalqaro audit standartlarini chuqur o‘rganishni joriy etish.
Davlat organlari va tashkilotlari uchun ochiqlik indeksini joriy etish.
Adliya vazirligining "Sanoat mulkini himoya qilish portali" ishga tushiriladi, bu orqali respublikada ishlab chiqarilayotgan va sotilayotgan mahsulotlarning nomi, qadoqlari va boshqa rekvizitlari bo‘yicha quyidagi intellektual mulk obyektlariga bo‘lgan huquqlarni tekshirish mumkin bo‘ladi:
• savdo belgisi;
• geografik ko‘rsatkich;
• tovar kelib chiqqan joyning nomi;
• sanoat modeli.
Nogironligi bo‘lgan shaxslar uchun "Tibbiy-ijtimoiy ekspertiza" elektron tizimini joriy etish.
Poytaxtda nogironligi bo‘lgan shaxslarni komissiyalarda hisobga olish va ko‘rikdan o‘tkazish uchun yangi "Tibbiy-ijtimoiy ekspertiza" elektron axborot tizimi joriy etilmoqda.
Oilaviy poliklinikalarning samaradorligi reytingini joriy etish.
“O‘ztransgaz” AJning tabiiy gazni oldi-sotdi, shu jumladan mahsulot taqsimoti to‘g‘risidagi shartnomalar bo‘yicha huquq va majburiyatlari “UzGasTrade” AJga o‘tadi.
“UzGasTrade” AJ quyidagi funksiyalarni amalga oshirishni boshlaydi:
• tabiiy gazni davlatning yagona operatori sifatida respublika ishlab chiqaruvchilaridan Idoralararo tarif komissiyasi tomonidan tasdiqlangan narxlarda, markazlashtirilgan tartibda esa tashqi manbalardan gaz sotib olish uchun;
• “Hududgaztaʼminot” AJ va magistral gaz uzatish tizimiga ulangan isteʼmolchilarga to‘g‘ridan-to‘g‘ri shartnomalar asosida tabiiy gaz sotish bo‘yicha.
