“Barselona” yana transfer ustida ishlamoqda
Klub “Chelsi” futbolchisini sotib olmoqchi.
Kataloniyaning “Barselona” klubi Londonning “Chelsi” klubining ispaniyalik himoyachisi Markos Alonso variantini ko‘rib chiqmoqda.
Bu haqda “Sport.es” nashri xabar berdi. Manbaga ko‘ra, Kataloniya klubi yana bir ispaniyalik himoyachini sotib olishni ko‘rib chiqmoqda. Klub Germaniyaning “RB Leypsig” klubi himoyachisi Anjelinoga ham qiziqish bildirmoqda. “Barselona” agar Alonsoning transferi bo‘yicha kelishuvga erisha olmasa, bu futbolchini qo‘lga kiritishga harakat qiladi.
Anjelino o‘tgan mavsumda 45 ta o‘yinda maydonga tushib, 3 marta raqib darvozasini ishg‘ol qilgan va 13 marta sheriklariga golli uzatma bergan.
Markos Alonso esa 2016 yildan beri “Chelsi”da o‘ynab kelmoqda. O‘shandan beri himoyachi 212 ta o‘yinda maydonga tushib, 29 ta gol urdi va 23 ta golli uzatmani amalga oshirdi.
