“Nyukasl”dan kutilayotgan transferlar
Klub keyingi mavsum uchun jiddiy tayyorlanmoqda.
2021-yilning oktyabr oyida Saudiya Arabistoni investitsiya fondi Angliyaning “Nyukasl” klubini 300 million funt sterlingga sotib olgandi. Birinchi navbatda yangi xo‘jayinlar bosh murabbiy Stiven Bryus bilan xayrlashdi ва uning o‘rniga Eddi Xouni olib kelishdi. Uning oldiga quyi ligaga tushib ketmaslik vazifasi qo‘yilgandi. O‘tgan mavsum “Nyukasl” Premyer-ligada 11-o‘rinda yakunladi ва ligadagi so‘nggi 18 uchrashuvning 12 tasida g‘alaba qozondi.
Mavsumning etiborga molik lahzalaridan biri so‘nggi turda “Arsenal” ustidan qozonilgan ishonchli g‘alaba bo‘ldi.
Yozda shayxlar klubni kuchaytirish uchun katta mablag‘ ajratishlari kutilgan edi. Yangi funksionerlar Den Ashvort (sport direktori) ва Darren Eales (ijrochi direktor)ning kelishi katta o‘zgarishlarga ishora qilardi. Albatta, “Manchester Siti” ва “Liverpul” kabi jamoalar bilan raqobatlashish imkonsiz bo‘lishi mumkin. Biroq, futbol jamoatchiligi “Arsenal”dek kuchli klub yaratilishiga umid bog‘lashdi. Ammo “Nyukasl”ning transfer kampaniyasi yaxshi ishlamadi.
23-iyun kuni “Nyukasl” Angliya terma jamoasi ва “Byornli” darvozaboni Nik Popni 10 million funtga sotib oldi. Darvozabon “Nyukasl” bilan 4 yillik shartnoma imzoladi. Papa Premyer-ligada 36 ta o‘yin o‘tkazib, 47 ta gol o‘tkazib yuborgan. Nik jamoada asosiy darvozabon bo‘ladimi yoki yo‘qmi hozircha aniq emas.
28-iyun kuni “Nyukasl” “Lill”dan himoyachi Sven Botman bilan shartnoma imzolaganini eʼlon qildi. 22 yoshli gollandiyalik futbolchi “Nyukasl” bilan 5 yillik shartnoma imzoladi. Transfer summasi 37 million yevroni tashkil qildi. Botman o‘tgan mavsumda Liga 1da 25 ta o‘yinda maydonga tushib, 3 ta gol urgan.
Aftidan, bir oy ichida yana bir nechta o‘yinchilar klub bilan shartnoma imzolaydi.
“Nyukasl” tezroq sovrinli o‘rinlar uchun kurashish maqsadida top o‘yinchilar bilan ham muzokalar olib bordi. Xususan, “PSJ” hujumchisi Neymar shular sirasiga kiradi.
Fransuz klubi rahbariyati iyun oyi oxirida undan voz kechmoqchi edi. “Nyukasl” braziliyalik futbolchi uchun daʼvogarlar orasida edi. Biroq, Neymar Premyer-ligaga, ayniqsa kuchsiz “Nyukasl” klubiga o‘tishni istamadi. Shu sabab bu masala yopildi. Hujumchi “PSJ”ning yangi bosh murabbiyi Kristof Galtiyer bilan til topishdi ва hozirda Parijni tark etmoqchi emas.
“Nyukasl” “Reyms” hujumchisi Ugo Ekitik ва “Portu” yarim himoyachisi Vitinya transferi borasida faollik ko‘rsatdi. Jamoa “Reyms”ga 36+10 million yevro to‘lagan bo‘lsa, Ekitike transferni rad etdi. U sotib olish opsiyasi bilan “PSJ”ga ijaraga o‘tdi.
Himoyachi Jyul Kunde iyun oyida “Nyukasl” bilan muzokaralarni to‘xtatib, faqat “Chelsi” ва “Barselona” bilan variantlarni ko‘rib chiqdi. “Sevilya”ning sobiq o‘yinchisi “Barsa”ni afzal ko‘rdi ва 50 million yevro evaziga kataloniyaliklar safiga qo‘shildi. Bu “Sevilya” tarixida rekord transfer bo‘ldi. “Mundo Deportivo” nashrining xabariga ko‘ra, “Nyukasl” futbolchiga “Barselona”dan ko‘proq maosh taklif qilgan. Ammo futbolchining o‘zi bu variantga umuman qiziqmagan.
“Inter” markaziy himoyachisi Stefan de Vrijga Premyer-ligada qiziqish kuchli. Gollandiyaning 30 yoshli futbolchisini “Chelsi” ва “Manchester Yunayted” klublari qo‘lga kiritmoqchi. “Nyukasl”ning taklifi Stefan muzokaralarining dastlabki bosqichidayoq rad etildi.
Paulo Dibala “Yuventus”dan ketganidan so‘ng u ham darhol “Nyukasl” g‘oyasini rad etdi. Natijada u “Roma”ga o‘tdi. Hujumchi Darvin Nunes “Manchester Yunayted” ва “Nyukasl”dan voz kechib, “Benfika”dan “Liverpul”ga o‘tishni maqʼul deb topdi. U transferdan so‘ng Chempionlar ligasida o‘ynash istagi borligini maʼlum qildi.
“Klub “Latsio” yarim himoyachisi Sergey Milinkovich-Savich uchun 55 mln yevro taklif qilmoqda. Bu haqda “Foatball Italia” nashri xabar berdi. “Latsio” uni 70-80 million yevroga qo‘yib yuborishga tayyor. Ayni damda “Chelsi” ham futbolchi uchun kurashmoqda.
“Lester” yarim himoyachi Jeyms Meddisonni “Nyukasl”ga sotishni xohlamayapti. “Lester” futbolchi uchun 60 million funt sterling talab qilgan. “Nyukasl” esa Jeyms uchun 50 million funt sterling to‘lamoqchi.
Inglizlar "Real Sosedad" hujumchisi Aleksandr Isak ва Leverkuzenning “Bayer” klubi yarim himoyachisi Mussa Diabini o‘z safiga qo‘shib olishga urinmayapti. “The telegraph” xabariga ko‘ra, klub Isak ва Diabini sotib olish yo‘lida ikkita qiyinchilikka duch kelgan. Britaniyaliklar klub rahbarlari bilan transfer narxi bo‘yicha kelisha olishmagan. “Sosedad” rahbariyatiga ko‘ra, Isak 90 million yevroga baholanmoqda. “Bayer” esa 70 million yevro talab qilmoqda.
Bundan tashqari inglizlar “Real” yarim himoyachisi Marko Asensioga davogarlar qatorida. Madridliklar klubi Asensio uchun 30-35 million yevrodan ko‘proq pul ololmasligini tushunib turibdi. Futbolchi uchun kurashda “Milan” favorit hisoblanadi. Keyingi o‘rinlarda “Arsenal”, “Manchester Yunayted” ва “Yuventus” turibdi.
“Nyukasl” kelasi mavsumda ham o‘rtamiyona jamoa bo‘lib qolaverish ehtimoli yuqori. Sarmoyalari jamoani kuchaytirishiga ishongan Saudiya shayxlari hozircha jim.
Jamshidbek Amirov
