Foden “Manchester Siti” bilan shartnomasini uzaytirdi
U 2027-yilgacha “shaharliklar” safida o‘ynaydi.
Angliya terma jamoasi yarim himoyachisi Filipp Foden “Manchester Siti” bilan yangi uzoq muddatli shartnoma imzoladi. Bu haqda ingliz jurnalisti Mayk Kigan xabar berdi.
Manbaga ko‘ra, “shaharliklar” hafta oxirigacha buni rasman eʼlon qiladi.
Oldinroq, 22 yoshli Foden klub bilan 2027-yilgacha shartnoma imzolashi haqida xabar berilgandi. Muzokaralar bir necha oy davom etdi. “Siti” britaniyalik futbolchiga haftasiga salkam 270 ming yevro maosh to‘laydi. Shunday qilib, Foden dunyoning eng ko‘p maosh oluvchi yosh futbolchilaridan biriga aylanadi.
Eslatib o‘tamiz, Foden o‘tgan mavsumda klub safida 28 ta o‘yinda maydonga tushib, 9 ta gol urdi va 5 ta golli uzatmani amalga oshirdi.
