Pike va Shakira mojarosi davom etadi

 

Jerar Pike va Shakira ajrashganidan keyin farzandlarining vasiylik masalasini hal qilishda davom etishmoqda. Xonanda Barselonadan Mayamiga ko‘chib o‘tdi. U bolalari bilan birga yashashni xohlaydi. “Marca” nashrining xabariga ko‘ra, Pike bolalarning Amerikaga ko‘chib o‘tishiga rozi. Garchi u ilgari bunga qarshi bo‘lgan bo‘lsa ham.

 

Pike Shakiraga amalga oshirish mumkin bo‘lmagan ikkita shartni qo‘ydi. “Barselona” himoyachisi Shakiradan farzandlarini ko‘rish uchun Mayamiga yiliga beshta birinchi toifali reys bilan taʼminlashni so‘radi. Bundan tashqari, Jerar qo‘shiqchidan qarzlarini qoplash uchun 400 ming yevro pul olmoqchi. Pike Shakira bilan bahslashish foydasiz ekanligini anglagan. Bu bir necha sabablarga ko‘ra sodir bo‘ldi.

 

Pike va Shakira 12 yillik tanishuvdan keyin iyun oyida ajralishdi. Sababi “Barsa” futbolchisining xiyonati. Er-xotinning ikki farzandi bor - Milan (to‘qqiz yosh) va Sasha (olti yosh). Shubhasiz, Jerar ularga nisbatan iliq tuyg‘ularga ega.

 

Ommaviy axborot vositalarining xabarlariga ko‘ra, haqiqatan ham Pike ishlarni sudda hal qilishga qaror qilgan. Iyul oyining oxirida uning uchun maʼlum bir umid paydo bo‘ldi. Ispaniya prokuraturasi Shakira soliq firibgarligi bo‘yicha kelishuvni rad etgani uchun unga sakkiz yillik qamoq jazosini so‘radi. Biroq, bu ish hali tugamagan va umuman olganda, Pikening bolalarning vasiyligini qo‘lga kiritish imkoniyatlariga taʼsir qilmaydi.

 

Jerardning o‘zi Saudiya Arabistonida Ispaniya Superkubogi o‘tkazilishini targ‘ib qilish uchun foyda keltirishi mumkin bo‘lgan korrupsiya mojarosida ishtirok etmoqda.

 

Jamoatchilik Shakirani ommaviy ravishda qo‘llab-quvvatladi. AQSHdagi “Barselona” yig‘inida bir voqea sodir bo‘ldi. Jerar Las-Vegasda “Real” bilan o‘rtoqlik o‘yini (1:0) chog‘ida himoyachi 62-daqiqada zaxiradan maydonga tushdi. Stadionga tashrif buyurgan muxlislar esa unga nisbatan hushtakbozlik qilishdi.

 

Bo‘lib o‘tgan voqeaning sababi Las-Vegasning “Real Madrid”ni ommaviy ravishda qo‘llab-quvvatlayotganida emas. Shunchaki tomoshabinlar Jerar va Shakiraning ajralishiga o‘z munosabatini bildirishdi. Muxlislar bir necha bor xonandani qo‘llab-quvvatlab hayqirishdi. Vaqti-vaqti bilan uning ismi baland ovozda aytildi.

 

Shahar aholisining katta qismi Shakiraning tarafini oldi. Ehtimol, xuddi shu fikr sudda hakamlar hayʼati orasida ham bo‘lar.

 

Shuni ham yodda tutish kerakki, tizim ko‘pincha onaning tomonini oladi. Bundan tashqari, Shakira Pikega qaraganda boyroq va muvaffaqiyatli yuristlarni sotib olishga qodir. Futbolchi bu omillarni albatta yodda tutgan. Uning ishda g‘alaba qozonish ehtimoli nolga yaqin.

 

Pike so‘nggi bir necha oy davomida bir talaba bilan yashirincha uchrashib yurgan. Bu haqda “The Sun” nashri xabar berdi. 23 yoshli Klara Chia Marti jamoatchilik bilan aloqalar bilan shug‘ullanadi. Jerar Klara bilan uning prodyuserlik kompaniyasidagi tadbirlarda ishlaganlarida tanishgan.

 

“Ular bir necha oydan beri uchrashishadi. Klara talaba, u ham Pikening ofisida ishlaydi, tadbirlar tashkil qiladi. Ular munosabatlarini yashirishdi. Futbolchiga bu ishni sir saqlashga yordam berishgan”, — deyiladi manbada.

 

Ommaviy axborot vositalarida u haqidagi maʼlumotlarning paydo bo‘lishi qo‘shiqchining advokatlari uchun ajoyib qo‘shimcha dalildir.

 

Katta ehtimol bilan, Shakira va Pike bolalarni vasiylik tufayli sudga umuman murojaat qilishmaydi va har ikki tomon uchun maqbul shartlar asosida muzokara olib borishga harakat qilishadi. Bolalar onasi bilan AQSHda yashaydi, ammo Jerarga ularni tez-tez ko‘rishga ruxsat beriladi.

Jamshidbek Amirov