“Yuventus” Depay transferini tezlashtirmoqchi
Futbolchining vakillari “Barsa” bilan shartnomani bekor qilmoqda.
“Barselona” hujumchisi Memfis Depay “Yuventus”ga oʻtishga yana bir qadam yaqinlashdi.
Mashhur insayder Fabritsio Romanoning soʻzlariga koʻra, “keksa sinyora” futbolchini tekinga sotib olishga yaqin. Qayd etilishicha, tez orada futbolchining agentlariga kelishuvni tekshirish uchun hujjatlar yuboriladi.
Qoʻshimcha qilinishicha, gollandiyalik futbolchining vakillari shartnomani bekor qilish masalasini muhokama qilish uchun kataloniyaliklar bilan yana bogʻlangan.
Eslatib oʻtamiz, gollandiyalik futbolchi 2021-yilning yozida “Barselona” futbolchisiga aylangandi va jamoaga erkin agent sifatida qoʻshildi. Oʻshandan beri 37 uchrashuvda Memfis 13 ta gol urdi va 2 ta golli uzatmani amalga oshirdi.
