Buskets “Barsa”dan ketmoqda

 

“Barselona” yarim himoyachisi Serxio Buskets klubning maoshini kamaytirish borasidagi navbatdagi taklifini rad etdi. “Mundo Deportivo” va “COPE” nashrlarining xabar berishicha, Buskets amaldagi shartnomasini oxirigacha yakunlamoqchi va 2023 yilning yozida Ispaniya terma jamoasidagi faoliyatini ham yakunlashi mumkin. 34 yoshli yarim himoyachi faoliyatini MLSda davom ettirishdan manfaatdor. U AQSHda faoliyatining yangi bosqichini boshlamoqchi. 

 

Buskets “Barselona”dagi maoshlarni cheksiz qisqartirishdan charchagan

 

“Barselona” bir necha bor o‘yinchilardan koronavirus pandemiyasining salbiy moliyaviy ta’sirini bartaraf etish uchun maoshlarini kamaytirishni va yangi kelganlar bilan shartnoma imzolashni so‘ragan. Bundan tashqari, ish haqi kamaygan taqdirda ham, qarz to‘planib qoladi, o‘yinchilar uni to‘lashni qayta-qayta kechiktirishga rozi bo‘lishadi.

 

Tajribali futbolchilar muntazam ravishda klubni qo‘llab-quvvatlashadi. Lekin hamma narsaning chegarasi bor. Buskets birinchi bo‘lib o‘zboshimchaliklarga chek qo‘ymoqchi.

 

Iyun oyida Buskets “Barselona”ning munosabati unga yoqmasligini ochiqchasiga aytgan edi. Keyin klub futbolchilar bilan to‘g‘ridan-to‘g‘ri muloqot qilmasdan, OAV orqali o‘z maqsadlarini bildirgan.

 

Klub Memfis Depay, Frenki de Yong, Martin Breytveyt va Per-Emerik Obameyangni sotishga harakat qilmoqda. Klub bu yo‘nalishda katta muvaffaqiyatlarga erishgani yo‘q. Transfer oynasi tugagach, ushbu to‘rtlikdan biri Kataloniyani tark etishi mumkin. 

 

“Barselona”ning Busketsga nisbatan munosabati hurmasizlikning yorqin namunasidir

 

“AS” nashrining xabariga ko‘ra, mavsum oralig‘ida “Barsa” Busketsga shartnomani bir yoki ikki mavsumga uzaytirishni taklif qilgan. Biroq, bu bosh murabbiy Xavining futbolchi bilan hisoblashishi va uni jamoaning muhim qismi sifatida ko‘rishi bilan bog‘liq emas. 

 

Buskets va uning agentlari shartnomani uzaytirishga va maoshning bir qismini olishni tayyor, ammo ular hech qanday miqdordan butunlay voz kechishmaydi. “Barselona”ga bu variant yoqmadi, shundan so‘ng Serxio bir yildan so‘ng ketishga qaror qildi. Futbolchining vakillari allaqachon MLS klublari bilan aloqaga kirishishgan.

 

Klub Busketsning maoshini kamaytirmoqchi, biroq ayni paytda uning o‘rniga futbolchi qidirmoqda. Mavsum oralig‘ida Xavi jamoani yoshartirmoqchi bo‘lgan. Maydon markazida Buskets o‘rniga Ruben Neves yoki Karlos Solerni ko‘rishni istagan.

 

Ikkala holatda ham o‘yinchilarni sotib olish uchun pul yetarli emas edi. Aks holda, Buskets La Liga 1-turidan o‘rin olgan “Rayo Valekano” bilan o‘yinda o‘ynamagan bo‘lardi. 

 

Buskets “Barselona” safida 14 yil davomida 30 ta sovrin yutgan. U bir necha bor qiyin damlarda jamoani qo‘llab-quvvatlagan. Buskets kabi afsonaviy futbolchilar bilan bunday xunuk munosabatlar “Barsa” uchun qiyin vaziyatni yanada kuchaytiradi.