Super jamoalardan iborat super guruh — Tomas Myuller
Futbolchi Chempionlar ligasining qurʼa natijalari haqida gapirdi.
“Bavariya” hujumchisi Tomas Myuller 2022/2023-yilgi Chempionlar ligasi guruh bosqichiga qurʼa tashlash marosimi natijalarini qisqacha ko‘rib chiqdi.
“Chempionlar ligasida “Barselona” va Robert Levandovski bilan to‘qnash kelamiz. Qanday ajoyib. Super jamoalardan iborat superguruh. Ishonchim komilki, futbol muxlislarini Chempionlar ligasining ajoyib o‘yinlari kutmoqda. Shu bilan birga, bir narsa aniq: biz Chempionlar ligasining 1/8 finaliga chiqish uchun ko‘p mehnat qilishimiz kerak bo‘ladi”, — deya Myullerning so‘zlaridan “Bavariya” rasmiy sayti iqtibos keltirdi.
Eslatib o‘tamiz, 25 avgust kuni Istanbulda Chempionlar ligasi guruh bosqichiga qurʼa tashlash marosimi bo‘lib o‘tdi. “S” guruhida “Bavariya” “Barselona”, Italiyaning “Inter” va Chexiyaning “Viktoriya” jamoalari bilan to‘qnash keladi. Chempionlar ligasi guruh bosqichining 1-tur uchrashuvlari 6 va 7-sentyabr kunlari bo‘lib o‘tadi.
