JCH-2022: Jahon chempionati haqida qiziqarli maʼlumotlar

 

 

Qatarda bo‘lib o‘tadigan jahon chempionatiga ham oz fursat qoldi. U 2022 yil 21 noyabrda rasman start oladi. Ko‘plab jamoalar turnirning final bosqichiga yo‘llanmani qo‘lga kiritishdi. 2022 yilgi jahon chempionatida bizni ko‘plab yorqin va ajoyib o‘yinlar kutib turibdi. Ammo, turnirga yana-da qiziqishni kuchaytiradigan bir nechta qiziqarli faktlar mavjud. Ular haqida quyida maʼlumotlarga ega bo‘lishingiz mumkin.

 

1.  Jahon chempionati o‘z tarixida birinchi marta yozda emas, kuz va qish faslida o‘tkaziladi. Ochilish o‘yini 21 noyabrda, final esa 2022 yil 18 dekabrda bo‘lib o‘tadi. Bundan tashqari, 2022 yilgi jahon chempionati Yaqin Sharqda o‘tkaziladigan birinchi jahon chempionati hisoblanadi.

 

2.  Qatardagi JCH-2022 32 jamoa ishtirokidagi so‘nggi jahon chempionati bo‘ladi. 2026 yildan boshlab ishtirokchilar sonini 48 ta jamoaga yetkazishga qaror qilindi.

 

3.  Qatar terma jamoasi tarixda ilk bor turnirning final bosqichida ishtirok etadi. Jamoa 2022 yilgi jahon chempionatiga mezbon davlat sifatida saralash bosqichidan o‘ta olmay chiqdi.

 

4.  O‘yinlar Qatarning beshta shahrida joylashgan sakkizta stadionda o‘tkaziladi. Issiqlikka qarshi kurashish uchun tashkilotchilar barcha arenalarda haroratni 27 darajadan yuqori bo‘lmagan holatda ushlab turadigan havo sovutish tizimlarini o‘rnatishga vaʼda berishgan.

 

5.  Spirtli ichimliklarga oid qonunlarga qaramay, Qatar turnir davomidagi taqiqni qisman olib tashlaydi. Mamlakatda spirtli ichimliklarni sotish va isteʼmol qilish qonuniylashtiriladi. Biroq muxlislar kuchli ichimliklarni faqat maxsus zonalarida xarid qilishlari mumkin bo‘ladi.

 

6.  JCH-2022 o‘yinlariga faqat koronavirusga qarshi emlangan muxlislar tashrif buyurishi mumkin.

 

7.  2022 yilgi jahon chempionati oldidan tahlilchilar zamonaviy ishlanmalardan faol foydalana boshladilar. Misol uchun, superkompyuter yordamida jamoalarning o‘yinlarda qatnashish imkoniyatlari allaqachon baholangan. Bundan tashqari, o‘yinning aniq hisobini bashorat qiladigan robotlar (sunʼiy intellekt) ham qo‘llaniladi. Biroq, bunday prognozlarga 100% ishonish hali ham tavsiya etilmaydi.

 

8.  Stadionlar orasidagi maksimal masofa 56 km. Barcha muxlislar bir arenadan ikkinchisiga bir soatdan ko‘p bo‘lmagan vaqt ichida yetib olishlari mumkin.

 

9.  2022 yilgi Jahon chempionati uchun chiptalar sotuvi allaqachon boshlangan. Eng qimmat chiptaning narxi 48 802 yevro.