Ikardi Nara bilan ajrashdi
Ular 2014-yil turmush qurishgandi.
Argentinalik “Galatasaroy” hujumchisi Mauro Ikardi rafiqasi va agenti Vanda Nara bilan ajrashdi. 2021-yilning oktabrida va shu yilning avgustida er-xotinning ajralishi haqidagi xabarlar paydo bo‘lgandi. Biroq, bu ommaviy axborot vositalarida eʼlon qilinganidan so‘ng, Ikardi va Nara uni rad etdi.
Lekin, bugunga kelib Nara Ikardi bilan ajrashganini o‘zining ijtimoiy tarmoqdagi sahifasida maʼlum qildi.
“Bu lahzani boshdan kechirish men uchun juda og‘riqli. Ammo, ommaviy axborot vositalaridagi mish-mishlarni hisobga olsak, hamma bu haqda mendan eshitsa yaxshi bo‘lardi. Bu mavzuda boshqa aytadigan gapim yo‘q va ajralish haqida hech qanday maʼlumot berishni xohlamayman. Iltimos, nafaqat meni, balki farzandlarimizni ham tushunishingizni so‘rayman”.
Ikardi va Nara o‘rtasidagi munosabatlar anchadan buyon yomonlashgan
Vanda Nara va Mauro Ikardi 2014 yilda turmush qurishgan. Er-xotinning ikkita farzandi bor va Naraning sobiq futbolchi Maksi Lopes bilan nikohidan yana uchta farzandi bor. O‘tgan yili Vanda va Mauroning munosabatlari buzila boshladi. Ajralish haqidagi mish-mishlar asossiz emas edi. 2021 yilning noyabr oyida “Marca” nashri Nara Ikardi model China Suares bilan ishqiy munosabatda bo‘lgani haqida xabar bergan edi. Mauro nikohni saqlab qolish uchun darhol Vandaga shartnomalari (hozirgi va kelajak), shuningdek, 2050 yilgacha bo‘lgan barcha mulkiga bo‘lgan huquqlarni unga o‘tkazdi.
Shu yilning avgust oyida “AS” nashrida Ikardi va Naraning ajrashishi haqidagi maʼlumotlar paydo bo‘ldi. Bir necha kundan keyin Mauro ijtimoiy tarmoqqa sevgilisi bilan tushgan suratini joylashtirib, ularni rad etdi.
2022-yilgi mavsum oralig‘i Ikardi uchun juda qiyin bo‘ldi. “PSJ”ning yangi bosh murabbiyi Kristof Galtiyer argentinalik futbolchiga ishonmasligini aytdi. Parijliklar Mauroni sotuvga qo‘yib, uni jamoadan alohida shug‘ullanishga majbur qilishdi. Vanda “PSJ”ga hujumchini tark etish qimmatga tushishini aytdi, lekin oxir-oqibat klubdagi lavozimidan voz kechdi va shaxsan eri uchun yangi jamoa izlay boshladi.
Top 5 chempionat ishtirokchilari orasida Mauroga eng katta qiziqish “Manchester Yunayted”dan bo‘ldi. Turkiyadagi variantlar Naraga ko‘proq yoqdi. “RMC Sport” xabariga ko‘ra, Vanda Istanbulga uchib kelgan va “Galatasaroy” va “Fenerbaxche” bilan muzokara olib borgan. Natijada Ikardi “Galatasaroy”ga bir yilga ijaraga berildi.
“Mundo Deportivo” xabariga ko‘ra, Ikardining mavsumdagi maoshi 6,75 million yevroni tashkil qiladi: hujumchi “PSJ”dan 6 million yevro, “Galatasaroy”dan 750 ming yevro oladi.
“Galatasaroy”dagi ijara Ikardiga faoliyatini tiklash uchun imkoniyat yaratadi. Istanbulda u doimiy o‘yin amaliyoti, yuqori maosh va kundalik hayotda to‘liq qulaylikka ega bo‘ladi.
Vanda Nara juda pragmatik shaxs. Argentina ommaviy axborot vositalari tez-tez Vanda bir muncha vaqt o‘tgach, Mauroni biznes aktivi sifatida qabul qila boshlaganini yozgandi. Bir vaqtlar Maksi Lopes bilan ham shunga o‘xshash voqea sodir bo‘lgan. Ajralishdan keyin Nara Lopesni Santa-Barbaradagi 2 million dollarlik va 1800 m² maydondagi uy uchun sudga berdi.
Ikardiga kelsak, ish sudgacha borishi dargumon. Mauro qonuniy majburiyatlarga ega. 2050 yilgacha bo‘lgan daromadning bir qismi Vandaga berilishi kerak. Futbolchi uchun eng yaxshi kelishuv emas. Argentinalik futbolchi uzoqni ko‘ra olmasligi oqibatida juda qimmatga tushdi.
Ko‘rinishidan, Nara ajralish vaqti keldi, deb qaror qildi. Asosiysi, katta janjallar bo‘lmagan. Ha, Mauro Vanda bilan yozishmalarining skrinshotlarini eʼlon qildi va keyin o‘chirib tashladi. U yerda uni zaharlilikda aybladi va keyin sevgisini tan oldi. Nara va Ikardi kelajakda doimiy muloqot qilishlari ehtimoldan xoli emas, forvard esa farzandlarini ko‘rish imkoniyati bilan bog‘liq muammolarga duch kelmaydi.
