Ronalduning rekordlari yangilanadimi?

 

“Yuventus” yarim himoyachisi Anxel Di Mariya Chempionlar ligasi guruh bosqichi 3-turidan o‘rin olgan “Makkabi”ga qarshi o‘yinda uchta uzatmani qayd etdi. Ushbu yutug‘i evaziga argentinalik futbolchi golli uzatmalar soni bo‘yicha turnirning eng yaxshi futbolchilari ro‘yxatida Lionel Messidan o‘zib ketdi. Undan oldinda faqat Krishtianu Ronaldu turibdi. 

 

Krishtianuning rekordlari xavf ostida

 

Portugaliyalik futbolchi Yevropadagi eng nufuzli musobaqada ajoyib natijalarga ega.

 

U Chempionlar ligasi tarixidagi eng yaxshi to‘purar va eng yaxshi assistant hisoblanadi. Ronaldu turnirning 183 ta o‘yinida maydonga tushgan. Shuning uchun, u hamon yetakchilik qilib kelmoqda.

 

Lekin yaqin kelajakda yaʼni joriy mavsumda Krishtianuning rekordlaridan biri yangilanishi mumkin. Lionel Messi va Anxel Di Mariya uning bu natijalariga yaqin turibdi.

 

Ronaldu joriy Chempionlar ligasida qatnashmayotganini hisobga olsa, Messi va Di Mariya Ronalduni ortda qoldirish uchun yaxshi imkoniyatga ega.

 

Ronaldu Chempionlar ligasida 141 ta gol bilan peshqadamlik qilmoqda. Messining hisobida esa 127 ta gol bor.

 

Bu yil argentinalik futbolchi o‘zining azaliy raqibiga yeta olmasligi aniq. Sababi u qolgan o‘yinlarda kamida 14 ta gol urishi kerak. Bu esa haqiqatdan biroz uzoqdek tuyilmoqda.

 

Lekin Di Mariya yoki Messi Chempionlar Ligasidagi eng yaxshi assistentlar ro‘yxatida birinchi o‘ringa chiqishi mumkin. Buning uchun Anxelga beshta, Lionelga esa oltita assist kerak. Guruh bosqichida yana kamida uchta uchrashuv va “PSJ” va “Yuventus”ning pley-offdagi yetarli imkoniyatlarini hisobga olsak (darvoqe, klublar bir guruhdan joy olgan), bu borada yangi peshqadam paydo bo‘lishi mumkin.

 

Rostini aytsam, Di Mariyaning birinchi raqamli assistga aylanish imkoniyati ko‘proq. Bu taxmin Messidan o‘zib ketgani uchun emas. Anxel, shuningdek, har bir o‘yinda o‘rtacha golli uzatma berish bo‘yicha turnir tarixidagi kuchli uch o‘yinchidan biri hisoblanadi.

 

Chempionlar ligasi to‘purarlari reytingida Ronaldudan kim o‘zib ketadi?

 

Ikki yildan so‘ng Messi Chempionlar ligasi tarixidagi eng yaxshi to‘purarga aylanishi mumkinligiga ishonish qiyin. Sababi Ronaldu keyingi mavsumda ham turnirda o‘ynamasligi kerak.

 

Qolgan taʼqibchilar orasidagi farq esa juda katta. Taqibchilar rekordni takrorlashlari uchun jarohatlar tufayli Yevropa darajasidagi musobaqani o‘tkazib yubormasliklari va Chempionlar Ligasining har bir mavsumida 10 ga yaqin gol urishlari kerak bo‘ladi.  Bunga esa ishonish qiyin.

 

Chempionlar ligasida gol urish bo‘yicha ayni vaqtda Erling Holand ajoyib natija qayd etyapti. U musobaqaning 22 ta o‘yinida 28 ta gol urdi. Ayrim statistik maʼlumotlar norvegiyalik futbolchiga katta ustunlik beradi. Ammo “Man Siti” forvardi keyingi bir necha yil davomida shu tezlikda o‘yin namoyish qilishiga ishonish biroz qiyin. Agar shunday bo‘lsa, u tez orada Ronalduga yetib oladi.

 

Aytgancha, Mbappening hozirgi natijalari Ronalduning raqamlari bilan deyarli bir xil. Ajablanarlisi shundaki, hatto Gabriyel Jezusda ham nazariy jihatdan muvaffaqiyat qozonish imkoniyati bor. Bundan tashqari Vinitsius, Verner, Rodrigo va Saneda ham Ronalduning rekordini yangilash imkoniyati bor.