Messining oldida uchta tanlov bor
Qatardagi jahon chempionati uning uchun oxirgisi bo‘lishini maʼlum qildi.
Lionel Messi Qatardagi jahon chempionati uning uchun oxirgisi bo‘lishini aytdi. 35 yoshli hujumchi Argentina terma jamoasidagi istiqbollari haqida bir qarorga keldi. Klub miqyosida esa vaziyat butunlay boshqacha. Messi qiyin dilemmaga duch keldi. U kelasi yozda erkin agentlik bozoriga kirganidan so‘ng oxirgi yirik shartnomani imzolaydigan jamoani tanlashi kerak bo‘ladi.
Uning oldida ikkita variant turibdi. Bu “PSJ”da qolish yoki “Barselona”ga qaytish. Insayder Fabritsio Romanoning so‘zlariga ko‘ra, Messi faqat shu klublar o‘rtasidagi tanlovga eʼtiborini qaratgan. Kelajakda Leo MLSga yo‘l olishi mumkin. Mana shu variant unga faoliyatini chiroyli yakunlash imkonini berishi mumkin.
Messi joriy mavsumda “PSJ” va Argentina terma jamoasi safida 20 ta o‘yinda 12 ta gol urdi va 8 ta golli uzatmani amalga oshirdi. Klub safida 13 ta o‘yinda maydonga tushgan hujumchi 8 marta gol urgan va 8 ta golli uzatmani amalga oshirgan. Bu o‘tgan mavsumdagi natijalardan keskin farq qiladi. O‘shanda argentinalik futbolchi bir yil ichida “PSJ” safida barcha musobaqalarda bor yo‘g‘i 11 marta gol urgandi.
Leo “Oltin to‘p”ga daʼvo qilishni to‘xtatdi va hatto Fransiya chempionatining eng yaxshi futbolchisi unvoniga nomzod sifatida ko‘rilmadi. Argentinalik futbolchi oxirgi marta 2006/2007 yilgi mavsumda “gol+pas” tizimi bo‘yicha chempionatda 22 ochkodan kam to‘plagandi. O‘shanda yosh hujumchi “Barselona” safida 14 ta gol urgan va 3 ta golli uzatmani amalga oshirgan.
Messi faoliyatining pasayishi haqida turli gaplar boshlandi. Ammo argentinalik futbolchi bu fikrlarni keskin rad etmoqda. Bu mavsumda u hujumda Kilian Mbappe va Neymar bilan ajoyib o‘yin ko‘rsatmoqda. Kristof Galtiyer boshchiligidagi Parij jamoasi Chempionlar ligasida g‘alaba qozonish uchun juda yaxshi imkoniyatga ega.
Messi nihoyat Parijga moslashdi. “Le Parisen” nashrining yozishicha, bu yil Leo Fransiyada to‘p tepayotganidan juda ham mamnun. Futbolchiga yaqin manbalarning taʼkidlashicha, uning “PSJ” bilan shartnomani uzaytirishi sezilarli darajada oshgan. Biroq, Messi shoshilmayapti va klubga yakuniy javobni 2023 yilda berishini aytgan.
“Barselona” prezidenti Joan Laporta va bosh murabbiy Xavi bir necha oy ketma-ket Messining jamoaga qaytishi muntazam muhokama qilishdi. Bunda maʼlum bo‘lishicha, rahbariyat argentinalikni qaytarishni xohlamoqda.
“Marca” nashrining xabariga ko‘ra, Messining Kataloniya klubiga o‘tishi uchun bir qancha muammolarni hal qilish kerak. OAV xabarlariga ko‘ra, Leo Laportani so‘nggi daqiqada shartnomani uzaytirishni bekor qilgani, mavsum oralig‘ida esa klubni tark etishga majbur qilgani va unga keskin munosabatda bo‘lgan deb hisoblaydi. Qolaversa, Messiga “Barselona” rahbariyati u haqida doimiy ravishda omma oldida gapirayotgani yoqmaydi.
Argentinalik futbolchi “Barselona”dagi baʼzi odamlarning unga bo‘lgan munosabatini unutmagan. Agar u klubga qaytishga rozi bo‘lsa, bir qator o‘yinchilar va menejerlarning tashkilotni tark etishini istamoqda. Qo‘shimchasiga yana, insayderlarning fikricha, Messi faqat asosiy tarkibdan joy kafolatlangan taqdirdagina “Barsa”ga qaytishga rozi bo‘ladi.
“Barselona” boshidan kechirgan moliyaviy qiyinchiliklarni unutmasligimiz kerak. So‘nggi paytlarda vaziyat biroz yaxshilandi, ammo klub hali ham maoshni tushirishni davom ettirishi kerak. Laporta argentinalik futbolchini Kataloniyaga qaytarish uchun ko‘plab “iqtisodiy dastaklar”dan foydalanishi zarur.
O‘z navbatida, “Barselona” ham Leoga bir qator qarshi shartlarni taqdim etmoqda. “Mundo Deportivo” nashrining xabariga ko‘ra, Laporta Messining maoshini sezilarli darajada kamaytirishini rejalashtirgan. Xavi esa Leoni murabbiy tayinlagan reja asosida maydonda o‘ynashga rozi bo‘lishini xohlamoqda. Bunda futbolchi zaxirada ham o‘ynashiga to‘g‘ri keladi.
Xavi Leo Pedri yoki Gavining rivojlanishiga xalaqit berishini istamaydi. Murabbiy Messidan qaysi pozitsiyada foydalanish lozimligini tahlil qiladi. “Barsa”da Robert Levandovski borligi sababli argentinalik to‘qqizlik pozitsiyasida o‘ynay olmaydi. O‘ng qanotda Leo uchun qulay bo‘lishi mumkin.
“Barsa” Messining qaytishi klubga marketing masalalarida katta foyda keltirishiga ishonmoqda. Jumladan, “Barselona”ning o‘rtoqlik o‘yinlari va mavsumoldi turlari uchun o‘tadigan o‘yinlarning jozibadorligi oshadi. Jahon miqyosida jamoa muxlislari soni ham keskin oshadi. Kataloniyaliklar “kichik” rasmiyatchilikni hal qilishlari kerak. Yaʼni futbolchi bilan munosabatlarni tiklash.
Ayni damda Laporta Messi bilan qanday munosabatga kirishish kerakligi haqida o‘ylayapti. “Kamp Nou”da uni sharaflash marosimini tashkil qilishlari, stadion yoniga haykal qo‘yishlari va uni klub elchisi qilishlari mumkin. Biror bu o‘tmishdagi xafagarchiliklarni unutishga yordam bermasligi mumkin. Ammo Laporta ushbu yo‘nalishdagi faoliyatini davom ettirmoqchi.
Messi hali “Barselona” bilan aloqaga chiqmagan, ammo uning Kataloniyaga qaytishi juda ko‘p tushunmovchiliklarni keltirib chiqarishi aniq. “Barsa” muammoli klubga aylanib ulgurgan. Jamoa “PSJ”dan farqli ravishda Chempionlar ligasida g‘olib chiqishi dargumon. Parijliklar Messiga eng yaxshi moliyaviy imkoniyatlarni taklif qilishi mumkin. Biroq, Leoning Kataloniyaga qaytishiga hozircha hech qanday sabab yo‘q.
Ayni vaqtda Messi “PSJ” bilan muvaffaqiyatga erishish, shuningdek, Argentina terma jamoasi tarkibida JCH-2022da omadli ishtirok etish haqida o‘ylamoqda. Mavsum oxirida Leo barchasi haqida jiddiy o‘ylab ko‘rishi kerak. Argentinalik futbolchining xato qilishga haqqi yo‘q. Chunki bu borada omadsiz tanlov bo‘lsa, uning faoliyatida Krishtianu Ronaldu holatiga tushishi mumkin.
